A centrocampista do Dépor ABANCA, Tere Abelleira, non pode ocultar as ansias por volver a poñer a rodar un balón. Así o comentaba na rolda de prensa virtual ante esta situación de parón provocada pola crise do coronavirus COVID19.
“O que máis boto de menos penso que é o que máis necesito e o primeiro que farei cando poida saír da casa, coller un balón e estar nun campo de fútbol. Teño mono de fútbol, de darlle patadas ao balón e poder gozar dos adestramentos coas miñas compañeiras e adestradores”, comentaba a pontevedresa.
Teresa Abelleira: “Teño mono de fútbol, de darlle patadas ao balón e poder gozar dos adestramentos coas miñas compañeiras e adestradores”.
Á hora da competición, Tere concide coas palabras da súa compañeira Peke ao referido co remate da Liga Iberdrola: “A verdade que non o sei que vai a pasar. Aínda que sexa xogar entre semana ou calquera opción pero espero que remate a Liga”.
Teresa Abelleira: “Espero que se remate a Liga aínda que sexa xogar entre semana ou calquera outra opción”.
A galega ansía que se volva a xogar o antes posible para rematar a competición. Tamén mostrouse con medo no caso de que den a Liga Iberdrola por finalizada e tape en certo modo a gran tempada acadada polo Deportivo ABANCA nestas 21 xornadas que van de Liga.
Confía que o ERTE non afecte ao club galego
Respecto ao ERTE que están a realizar en outros equipos e outros deportes pola complicada situación económica, a galega comentou que “ninguén comentouno nada pero confío plenamente nas persoas que dirixen o club e todos vamos a saír ben desta situación”.
“É unha tempada que non ímos a esquecer nunca. Fixemos algo que ningún equipo recén ascendido fixera. A tempada está sendo moi boa e podería quedar un pouco no olvido por este tema. Daríame un pouco de rabia, espero que non sexa así e pódase rematar a competición”.
Tere Abelleira: “Esta tempada non a ímos a esquecer nunca. Fixemos algo que ningún equipo recen ascendido fixo. Está sendo moi boa e podería quedar un pouco no olvido por este tema. Daríame rabia e espero que se remate a competición”.
A pesar de seguir realizando o exercicios marcados pola preparadora Lucía, non sabe como estará físicamente para afrontar a competición no caso de que se reanude. “Iso haberá que esperar para e ver como nos atopamos. Pero temos claro que a nosa preparadora Lucía fai un traballo increíble para que estemos nas mellores condicións e seguindo os exercicios todos os días non creo que teñamos problema en volver”.
Tere Abelleira: “A nosa preparadora Lucía fai un traballo increíble para que estemos nas mellores condicións. Seguindo os exercicios todos os días non creo que teñamos problema en volver”.
Na cabeza de Tere Abelleira non está agora mesmo a renovación
Moitas das preguntas seguiron a mesma liña, a da renovación de Tere Abelleira. A centrocampista non ten nada pensado, na súa mente está a saúde de todos. “O importante é que nos manteñamos sanos todos e que se volva canto antes a competición para seguir disfrutando deste ano. Logo verase como remata todo”.
Ela mesma recalca que polo momento segue a ser xogadora do Dépor ABANCA e que só pensa “niso, no club, no seu equipo, e de saír desta e volver aos adestramentos e os partidos canto antes”.
Ademais viviu momentos moi feliz co equipo branquiazul. Sobre todo o ascenso a máxima competición de fútbol feminino. Neste tempo de confinamento rememorou un encontro do ano pasado cando acadaron o obxectivo deste proxecto.
“Xustamente onte vinme repetido o partido en Arguineguín e sen dúbida quédome coa tempada pasada que pareceume tanto futbolisticamente como persoalmente e o grupo que houbo no vestiario creo que foi un ano irrepetible e inolvidable. Foi o ano no que se acadou o obxectivo deste proxecto”.
Tere Abelleira: “Quédome sen dúbida coa tempada pasada. Pareceume tanto futbolisticamente como persoalmente e do grupo que houbo no vestiario un ano irrepetible e inolvidable. Foi o ano no que se acadou o obxectivo deste proxecto”.
Tamén tivo eloxios para esta tempada. Pensa que o máis sorprendente delas é a capacidade que teñen para levar este primer ano no máis alto do fútbol español. Sobre todo o gran nivel que están mostrando na competición.
O cal se mostrou no partido dos cuartos de final da Copa da Raíña. A pesar de perder nos últimos intres do encontro no Johan Cruyff, Tere Abelleira dixo que no Barcelona atópase a mellora xogadora a que se enfrontou.
“Quédome con Alexia porque no partido contra o Barça mostrou uns valores humanos de admirar. Foinos animando unha a unha despois de perder o partido contra ela e obviamente o seu fútbol gústame moito”, eloxiaba deste modo a 3 deportivista a Alexia Putellas, xogadora catalá do FC Barcelona.
Tere Abelleira: “Quédome con Alexia porque no partido contra o Barça mostrou uns valores humanos de admirar. Foinos animando unha a unha despois de perder o partido contra ela e obviamente o seu fútbol gústame moito”.
A última vez que vimos a Tere rodando un balón foi coa Sub 20
A galega tivo o último contacto co balón a principios do mes de marzo. Foi coa Selección Española Sub 20. Este verán está como cita no calendario o Mundial Sub 20. “A verdade que non sabemos nada e non saíu nada oficialmente. Penso que segue en pé ese Mundial.”
Ante a pregunta dos medios por se recibira algún tipo de exercicio físico específico por parte da Federación Española ou da Selección a deportivista foi clara: “Non nos mandaron ningunha tarefa física por parte da selección”.
A pesar do confinamento, o Dépor ABANCA continúa unido
É de sobra sabido que o plantel das branquiazuis está moi unido. Esta situación acarrea moita morriña de verde e de ambiente de vestiario. Tere comentou que intentan falar o máximo posible polo grupo de WhatsApp do equipo, ademais de realizar as tarefas como os xogos mentais co seu adestrador, Manu Sánchez.
Tere Abelleira: “Estamos moi unidas. Mantemos o contacto polo grupo do equipo e ademais realizamos os xogos a través do grupo de WhatsApp con Manu”.
Todas elas continúan tamén realizando o exercicio físico que lles propuso a preparadora física Lucía. Tan pronto se levanta, a pontevedresa ponse mans a obra. “Almorzo e xa me poño a realizar a rutina marcada. Non podemos perder a forma e temos que seguir traballando nos aspectos que a ela correspóndelle no tema físico”.
As redes sociais, están comentando moito o vídeo publicado pola conta do Deportivo de Carolina Arbelaez. Polo que á súa compañeira caeulle a pregunta de que se ela sería capaz de facelo. “A verdade que esas cousas que fai Carolina eu non me atrevo porque eu non sería capaz de facer nin unha soa cousa das que fai ela. De feito estábame ensinando nos adestramentos e intenta que faga algunha cousa que ela me amosa pero é imposible”.
Tere Abelleira: “”A verdade que esas cousas que fai Carolina eu non me atrevo porque eu non sería capaz de facer nin unha soa cousa das que fai ela”.
https://twitter.com/RCDeportivo/status/1241788312089657346
Como para todos, o confinamento estase a levar un pouco pesado
Tere Abelleira, ata estes días, levaba a corentena bastante ben, pero agora está a notar que empeza a ser pesada e, as veces, un pouco agobiante. Aínda así, o intenta levar o mellor que pode. “Fago exercicio pola mañá e logo intento distraerme con cousas miñas. Tiven que quedarme aquí na Coruña xa que non se pode viaxar”.
Evádese realizando os exámenes da proba de acceso ao ciclo superior e tamén está a seguir series nas plataformas dixitais. Pero estando na Coruña, o que máis bota en falta é a súa familia, sobre todo a súa afillada.
“Pilloume todo aquí e tívenme que quedar. Boto de menos a miña familia pero sobre todo a miña afillada, Daniela. Gustaríame pasar estes días con ela xa que habitualmente non a vexo moito. Sería un bo momento para estar con ela pero polas circunstancias non se pode”.
