O fútbol son sensacións, goles, pero tamén datos. E nas estatísticas, nos datos, a galega Tere Abelleira resultou ser a mellor futbolista do Mundial 2023 segundo recolle SofaScore.
As estatísticas recollidas por esta aplicación din que a xogadora do Real Madrid e da Selección Española foi a que mellores datos asinou na Copa do Mundo de Australia – Nueva Zelanda. A mediocentro, que xogou este Mundial ocupando principalmente a posición de pivote, acada unha valoración global ao final da World Championship Women de 8.13. É a única xogadora que supera os 8 puntos na valoración total.
Por detrás de Teresa Abelleira están a centrocampista de Estados Unidos Lindsey Honran con 7.90 puntos, a xogadora de Países Baixos e do Manchester Cith WFC Jill Roord con 7.84 e no cuarto lugar está Jenni Hermoso con 7.81 puntos. A tamén española Aitana Bonmatí ten 7.67 puntos e ocupa o posto 9º no ránking. Tres españolas no top10. A Selección Española xunto coa de Países Baixos, é o combinado estatal con máis futbolistas nesta lista das dez mellores peloteras do Mundial.
As estatísticas que asina a ex do Dépor ABANCA, Teresa Abelleira, segundo publica na súa web SofaScore falan de sete partidos xogados (foi titular en todos os partidos desta Copa do Mundo 2023), din que lle deu 102,4 toques ao balón, que fixo unha asistencia de gol, que anotou un gol, que dispuxo de tres grandes ocasións creadas e que do seu pé saíron 3.7 pases chave.
Estas son as cualificacións de Teresa Abelleira segundo e SofaScore partido a partido neste Mundial de futfem:
- España vs Costa Rica 9.3
- España vs Zambia 8.4
- Xapón vs España 7.6
- Suiza vs España 7.7
- España vs Países Baixos 8.6
- España vs Suecia 8.0
- España vs Inglaterra 7.3
A media é de 8.13 e coloca á galega á fronte das mellores futbolsitas do Campionato do Mundo feminino de fútbol.
Sen embargo, o premio á mellor xogadora do Mundial 2023 foi para a española Aitana Bonmatí. Salma Paralluelo foi seleccionada como a mellor xogadora moza, e o guante de ouro, o premio á mellor porteira foi para a cancerbeira da Selección de Inglaterra Mary Earps.
Consulta aquí todas as estatísticas de Teresa Abelleira en SofaScore
