Teresa Abelleira foi a representación galega no amigable que xogou a Selección Española Sub-20 ante o combinado ruso Sub-21. Ademais da pontevedresa, María Méndez tamén gozou de minutos tras sair no descanso. As venezolanas Kika, Gaby e Michelle Romero do Dépor ABANCA están concentradas coa vinotinto.
Teresa Abelleira foi titular e María Méndez saíu na segunda parte ante Rusia sub-21
A galega e a asturiana iniciaron o pasado mércores 4 de marzo coa Selección Sspañola sub-20 unha serie de partidos amigables, ademais dun torneo ‘3 en 1’ en categoría sub-19. Todos eles celebraranse na localidade murciana de San Pedro del Pinatar.
Teresa Abelleira foi titular e foi relevada no minuto 63 por Silvia Rubio. María Méndez substituíu no descanso a Nerea Eizaguirre. Con respecto ao partido, gañou Rusia (0-1), que anotou de penalti ao cuarto de hora de partido.
Nesta convocatoria estaba inicialmente tamén dianteira do conxunto branquiazul, Athenea del Castillo, que perdeuse esta cita internacional por lesión.
Ambos equipos veránse de novo as caras este venres ás 18:30 no mesmo escenario. O calendario de partidos é o seguinte:
Selección Sub-20
Mércores 4 de marzo
ESPAÑA 0 – RUSIA SUB-21 1
Venres 6 de marzo
18:30: ESPAÑA – RUSIA SUB-21
Selección sub-19
Domingo 8 de marzo
Torneo 3 en 1
ESPAÑA – ESCOCIA
ESPAÑA – BÉLXICA
Anulada a concentración de Venezuela en Turquía
Finalmente a Federación Venezolana de Fútbol anulou a concentración da selección de Venezuela en Turquía. Así pois, as deportivistas Kika, Gaby e Michelle Romero, xunto ao resto do equipo, permanece concentrada en Italia ao mando da Directora Técnica Pamela Conti. O combinado vinotinto ten previsto disputar un amigable hoxe ante o SSC Napoli.
