A futbolista galega Tere Abelleira está a gozar da confianza do seleccionador Jorge Vilda que contou con ela desde o inicio nos dous partidos que España leva disputados na fase de Grupos desta Copa do Mundo 2023.
Ademais de saír no once inicial nos dous primeiros encontros, a pontvedresa foi quen abriu a lata na goleada ante Zambia que rematou cun 5-0. O primeiro tanto de España levou a sinatura de Tere Abelleira. Un pepinazo coa zurda desde fóra da área que entrou pola escuadra. Un golazo. Sen dúbida. Pero á galega non selle sube á cabeza. En rolda de prensa manifestaba que tiña visto o gol un par de veces pero que no que se centraba era en ver aquelas accións do xogo nas que podía mellorar.
🗣️ @teresabelleira: “No he visto tantas veces mi gol, me quedo con la sensación del equipo”.#JugarLucharYGanar I #FIFAWWC pic.twitter.com/nsvkJimDK2
— Selección Española Femenina de Fútbol (@SEFutbolFem) July 28, 2023
As palabras de Tere Abelleira ante os medios na rolda de prensa presentan a unha deportista humildade e perseverante no traballo, que amosa unha actitude de superación e de mellora constante. “É verdade que foi un gol bonito, pero quero ver todas as miñas accións, ver no que errei (que tamén errei) e niso, mellorar”.
Un trallazo de Tere Abelleira abriu a goleada de España a Zambia (5-0)
Explicaba Tere Abelleira na súa comparecencia en rolda de prensa que persoalmente ten “boas sensacións, pero quédome cos resultados do equipo e a sensación xeral. O outro día, por exemplo, as que saíron na segunda metade déronlle un plus ao equipo e iso é moi bo: que as 23 futbolistas esteamos para sumar”.
🗣️ @teresabelleira: “Las 23 estamos para sumar”.#JugarLucharYGanar I #FIFAWWC pic.twitter.com/72I1TrWIKa
— Selección Española Femenina de Fútbol (@SEFutbolFem) July 28, 2023
Tere Abelleira séntese cómoda no rol de pivote que está a exercer durante o Mundial e só ten palabras de agradecemento ás súas compañeiras, “coa que é moi fácil xogar”.
Encomiada por todos durante esta semana, a internacional española prefire seguir axudando con discreción ao equipo, avisa da dificultade do próximo partido diante Xapón e quere seguir engadindo méritos á súa folla de servizos coa Selección Española porque “o fútbol que facemos aquí benefíciame e aínda podemos facer as cousas mellor”, recoñece a deportista galega.
