Tere Abelleira foi a gran protagonista do partido fronte o Sevilla. Recital de canos, regates e un espectacular golazo desde fora do área. A pontevedresa valorou a victoria tras o pitido final. “O principio costounnos entrar no partido pero fumos dominando a medida que iban transcurrindo os minutos. Era un partido moi importante porque viñamos de dúas derrotas e o equipo respondeu. Estamos satisfeitas polo traballo feito o polos 3 puntos. Estou moi contenta a nivel persoal pero sobre todo pola victoria do equipo”.
Tere falou da gran repercusión que están a ter as suas últimas actuacións. “Como dí Manu, os canos non dan puntos pero o mais importante é o equipo. Sáenme bos partidos polo apoio das miñas compañeiras e a confianza que me dan. A pesar das dúas derrotas, o equipo está moi unido e creo que iso é unha das fortalezas deste equipo. A centrocampista quixo ter un detalle coa afección branquiazul tras a ovación que recibiu por parte do respetable coruñés. “Esta afección de Coruña é unha pasada. Quédome con apluso final para todas, para o equipo. Isto é un deporte de equipo e é o mais importante”.
A central Noelia Villegas tivo unhas verbas tras o partido e valorou o seu cambio de posición ao comezo do encontro. “Ao principio costoume un pouco entrar no partido pero co paso dos minutos todo foi a mellor”.
A gaditana destacou o gran ambiente que se vive en Abegondo e a rápida adaptación que está a ter na cidade herculina. “Cando se xoga en casa sempre é mais cómodo e motivador. Esta victoria fará que nos recuperemos das dúas derrotas seguidas. Cando cheguei ao Dépor non pensaba que puidésemos mover a tanta xente. Nunca me pasara que o campo estivese cheo e a afección viñera todos os findes de semana e corease os nosos nomes”.
