A galega Ana Peleteiro acada o terceiro lugar no Mitin Jaén Paraíso Interior-XXIII Memorial Francisco Ramón Higueras en Andújar (Jaén) cun salto de 14,17 m. A súa compañeira no Iván Pedroso Team, Yulimar Rojas, segue a estar intratable no triplo salto e masculla un ouro olímpico para o que cada día demostra que é a máis firme candidata.
Yulimar Rojas gañou cun salto de 15,43m que a deixou a so 7 cm do récord do mundo nesta modalidade. Aínda segue vixente a marca da ucraína Inesa Kravets que en 1995 en Goteborg (Suecia) acadou un salto de 15,50m. O que si bateu a venezolana é o récord nacional do seu país.
O segundo lugar foi para a francesa Rouguy Diallo cun salto de 14,20 metros.
Ana Peleteiro acadou, ademais do terceiro lugar, a súa mellor marca persoal cun segundo salto de 14,17. A de Ribeira empezou cun nulo e completou o seu concurso con saltos de 13.86m e 14.13m.
Revive aquí en vídeo os saltos da galega Ana Peleteiro
Consulta aquí os resultados do Mitín Jaén Paraíso Interior – XXIII Memorial Francisco Ramón Higueras en Andújar
