Disputouse recentemente en Oviedo o III Campionato de España OPEN de Fondo Natación Másters con participación de nadadores de clubes galegos. A competición foi organizada pola Federación Asturiana de Natación conxuntamente co CN Ovimaster
Os resultados máis destacados con postos de pódium dos nadadores galegos foron os ouros acadados polas nadadoras María del Mar Terceiro Delgado, do Club del Mar, que foi primeira en 800 libre, segunda en 1.500 libre e terceira en 3.000 libre, da categoría +55. En total acadou tres metais.
No caso de Mª Elisa Pichel García, do A.D. Fogar, tamén acadou un ouro, no seu caso na distancia de 3.000 metros libres da categoría +35.
En categoría masculina, destacou a participación de David Rodríguez Lago, do C.D.N. Cidade de Santiago, foi terceiro en 3.000 libre da categoría +30.
Neste Campionato de España Máster de natación batíronse tres récords estatais masculinos
Na competición batíronse ata tres récords de España masculinos. En concreto as mellores marcas nacionais as protagonizaron Joaquín Canales de Mendoza (RC Mediterráneo) na proba de 800 libre +80 (13:13:51), Juan Carlos ‘Kimbo’ Vallejo (RGC Covadonga) tamén no 800 e na categoría +55 (9:54:42) e Juan Francisco Domínguez (CN Máster Madrid) nos 800 libre e na categoría +90 parando o crono nos 21:32:13, según informa a RFEN.
Na clasificación por clubs, na conxunta o liderado final foi para o CN Monteverde (1010 puntos), seguido do CN Máster Madrid (856), completando o podio o CN Máster Murcia (442).
Consulta aquí todos os resultados do III Campionato de España Open de Fondo Natación Máster
