As futbolistas do Burela son tricampioas da Supercopa de España, e asinan os tres títulos en liza da tempada 2019-2020: Liga, Copa da Raíña e Supercopa. As Guerreiras Laranxas, seguen a facer historia no fútbol sala feminino español e galego.
O Pescados Rubén Burela FS converteuse hoxe, sábado 9 de xaneiro de 2021, en tricampión de Supercopa de España despois de impoñerse no mausoleo laranxa a Poio Pescamar FSF. As Guerreiras encamiñaron na primeira parte o partido cun 2-0 que defenderon a morte tras o descanso.
Peque levantou o trofeo da Supercopa que suma para as Guerreiras o triplete, despois de Liga 2019-20 e Copa de S.M. A Raíña 2020, do vicepresidente da RFEF, Pablo Lozano, acompañado polo presidente de RFGF, Rafael Louzán. A seleccionadora nacional, Clàudia Pons, tamén fixo entrega á capitá do recoñecemento como Mellor Xogadora (VMP) da cita.
Dominio laranxa desde o inicio da final
Reinaron as raíñas laranxas na posesión, nas ocasións e no perigo. O control do partido por parte do Pescados Rubén Burela viuse desde a bucina inicial, aínda que o Poio Pescamar tentou sorprender á contra con insistencia e loitou por darlle a volta ao partido sen éxito.
No primeiro minuto de xogo Jozi, gardameta do Burela, tívose que aplicar para salvala ao segundo pau Dani, nuns primeiros compases de toma e daca. Despois, a escuadra burelista presionou con pouca marxe para as de Manu Cossío, que aínda atoparon escintileos ofensivos fronte á fortaleza da meta laranxa nas súas tentativas de contraataque e un excelente labor defensivo das anfitrioas, con magnífica presenza de Leti.
A capitá, por fin, outorgoulles a iniciativa no marcador ás Guerreiras Laraixas nun gran recorte cruzándoa ao segundo pau despois do rexeite en estratexia ante Cami.
Con 36 segundos para a medianía do primeiro acto, Dany protagonizou un gran man a man con Silvia Aguete, que cazou de novo a 3 laranxa pero quedou sen ángulo.
Elena Aragón non puido ampliar a vantaxe coa oportunidade de dobre penalti no 17, pero si a culminou Dany dous minutos despois, asistida por Cami tras recuperación, a pesar de que a tocou Silvia Aguete. Aínda dispuxeron as de Julio Delgado doutra de ouro á contra, cun excelente pase a Peque que cruzou con Bea Mateos, para reafirmar sobre o luminoso o demostrado sobre o parqué, pero o pau evitouno.
Contención e cabeza do Burela para manter o resultado e levarse a Supercopa
Cun 2-0 campeando no marcador electrónico, durante a segunda parte da gran final da Supercopa o cadro mariñán soubo como manexar o partido. As futbolistas da Mariña foron responsables e minimizaron erros. Como contrapunto, faltou na escuadra de Burela algo de circulación de balón e profundidade no seu xogo. Renunciaron a irse arriba con presas e xogaron con cabeza para asegurarse o triunfo nun partido histórico para o futsalfem galego.
Peque seguiu liderando a ofensiva das anfitrioas na continuación fronte ás boas respostas de Caridad. Cristina non saíu vitoriosa ante a porteira visitante; a seguinte da capitá desartellouna o pau e a Leti fóiselle despois da pugna de Peque no chan.
Resistíase para o Pescados Rubén Burela o terceiro tanto. Buscouno Dany en galopada pola banda e máis tarde novo Peque nunha brillante combinación.
No minuto 36 de partido, Irene García saltou para dirixir o xogo de cinco. A punto estivo ampliar Peque a porta baleira pero o luminoso continuou co 2-0.
Volveron aplicarse en defensa as mariñás para, sen perigo da porteira xogadora para engadir, por fin, á vitrina laranxa o título que quedaba por gañar en Vista Alegre como sede, despois da liga 2012-13 e de I Copa de S. M. A Raíña 2019.
As raíñas do Burela coronaronse así cunha triple coroa colleitada na súa bomboneira mentres que o Poio Pescamar voltaba a sufrir a derrota nunha final a mans das da Mariña. O trofeo de subcampioas recollíao a porteira Silvia Aguete.
QUE VIENE, QUE VIENE, EH, EH
El ritual de @pgmota7 para levantar la Supercopa en equipo pic.twitter.com/gWo1DHEehg
— Pescados Rubén Burela FS (@burelafs) January 9, 2021
RESUMO DA FINAL VÍA RFEF:
RESUMEN | @burelafs @PoioPescamarfs | 2-0
⚽ Revive la emoción de la gran final y vibra con las mejores jugadas del derbi gallego.#SupercopaFutsalFem pic.twitter.com/Fri7zqQdXY
— RFEF Futsal (@SomosFutsal) January 9, 2021
FICHA TÉCNICA
PESCADOS RUBÉN BURELA FS: Jozi, Cristina, Peque, Cami e M. Cortés – quinteto inicial -. Tamén xogaron: Dany, Cilene, Bea Mateos, Ale de Paz e Elena Aragón.
POIO PESCAMAR FSF: Silvia Aguete, Dani, Irene García, Luci e Ana Rivera – quinteto inicial -. Tamén xogaron: Antía, Miriam, Clara, Julia, Chiesa, Carol, Caridad (p.s.) e Iraia.
GOLES: 1-0, minuto 7, Peque; 2-0, minuto 19, Dany.
ÁRBITROS: Carreira Romero // Ferrero Carballal. Amonestaron polo Poio Pescamar con cartón amarelo a Clara.
INCIDENCIAS: Final da Supercopa de España disputada no pavillón de Vista Alegre en Burela cun aforo máximo permitido de 300 persoas debido ás limitacións por mor da pandemia de COVID-19.
| La @rfef ha agradecido a todas las instituciones su participación en la Supercopa de España Femenina de Fútbol Sala.
Concello de Burela, Diputación de Lugo (@depulugo), Xunta de Galicia (@Xunta), @PoioPescamarfs, @burelafs, Real Federación Gallega de Fútbol (@futgal). pic.twitter.com/mjYWolZyfb
— RFEF Futsal (@SomosFutsal) January 9, 2021
Desde as institucións, o derbi irmandiño do mellor fútbol sala de elite, contou coa presenza no palco de autoridades do secretario xeral para o Deporte da Xunta de Galicia, José Ramón Lete; o deputado de Deportes de Lugo, Efrén Castro, e o alcalde de Burela, Alfredo Llano; así como o xefe de Deportes da Xunta en Lugo, Manuel Otero, e os edís burelenses de Deportes, Ramiro Fernández, Igualdade, Noelia María Ben, e Servizos Sociais, Carmela López, o vicepresidente da RFEF, Pablo Lozano, o presidente da RFGF, Rafael Louzán e a seleccionadora nacional, Clàudia Pons, entre outras personalidades.
O encontro transmitiuse en directo pola canle Teledeporte.
¡¡¡!!!
Liga –
II Copa de SM La Reina
Supercopa de EspañaEl @burelafs sigue haciendo historia
— Pescados Rubén Burela FS (@burelafs) January 9, 2021
