Nestes días deu comezo a actividade de tecnificación de Natación Artística nas piscinas do CD Rías do Sur en Pontevedra e do RCN Vigo, segundo informa a Federación Galega de Natación.
O sábado 24 de outubro, pola mañán, o traballo estivo dedicado á categoría alevín divididas en dous grupos e pola tarde, o traballo foi coa categoría benxamín. O domingo 25 de outubro, a actividade foi para os diferentes grupos da categoría infantil.
O pasado sábado 24 celebrouse en Ferrol, a primeira competición de Natación Artística desta nova tempada, segundo informa a Federación Galega de Natación (FEGAN). A competición, que contou con todas as medidas de prevención establecidas para previr o contaxio da COVID-19, foi o primeiro Control de Nivel para categorías infantil e júnior.
