Tania Esperon é unha das xogadoras veteranas do Viajes Interrías da Primeira División Nacional e aínda que acostuma participar en varias posicións onde ela se sinte máis comoda é na mediapunta. A galega recoñece que o seu mellor recordo coa camiseta do conxunto de Villalonga foi “o día que gañamos ao Dépor en Abegondo”.
A centrocampista valorou positivamente, nunha entrevista ao club, a tempada do equipo antes do parón. Ademais, desbelou que o que máis bota de menos nestes días de confimanento é “a miña familia, estar coas miñas amigas e poder pasear xa sexa pola praia, polo monte ou pola cidade”.
Pregunta: Con que idade empezaches a xogar ao fútbol e que foi o que che animou a comezar?
Resposta: De pequena xoguei ao fútbol en clases extraescolares, pero non foi ata os 12-13 anos que empecei no fútbol sala no Poio. O que me animou basicamente, foi o presidente, que quixo que eu fichase.
Tania, xogadora do Viajes Interrías: “De pequena xoguei ao fútbol en clases extraescolares, pero non foi ata os 12-13 anos que empecei no fútbol sala no Poio”.
P: Ata o momento deste parón obrigado, como valoras a tempada do equipo?
R: Bo, para ser o noso primeiro ano na categoría, creo que o estamos facendo bastante ben, a pesar do gran lavado da cara que sufriu o club, creo que soubemos amoldarnos unhas a outras e sacar resultados, sobre todo na primeira volta. Na segunda, xa se nota que os equipos nos coñecen e saben os nosos puntos fortes e débiles e estanos custando máis, de feito, creo que nos veu ata ben o parón, a isto hai que sumarlle algunha lesión, pero estes son os contratempos do fútbol.
Tania, xogadora do Viajes Interrías: “Na segunda, xa se nota que os equipos nos coñecen e saben os nosos puntos fortes e débiles e estanos custando máis”.
P: Que é o que máis botas de menos nestes días de confinamento?
R: A miña familia, estar coas miñas amigas e poder pasear xa sexa pola praia, polo monte ou pola cidade.
P: Xogaches en varias posicións, en cal delas séntesche máis cómoda?
R: Pois si, esta tempada a verdade é que pasei por case todas, pero onde máis cómoda síntome é na media punta, sen dúbida.
P: Como xogadora veterana do equipo, cal é o teu mellor recordo no Viaxes InterRías?
R: Aínda que eu creo que todas dirían o día do ascenso, para min foi o día que gañamos ao Dépor en Abegondo xa que era o penúltimo partido do campionato e co empate lles valía para gañar a Liga, pero por sorte marcamos no último minuto e conseguimos manter as esperanzas ata a última xornada.
Tania, xogadora do Viajes Interrías: “O mellor recorodo que gardo é o día que gañamos ao Dépor en Abegondo xa que era o penúltimo partido do campionato e co empate lles valía para gañar a Liga”.
Tania, xogadora do Viajes Interrías: “De pequena xoguei ao fútbol en clases extraescolares, pero non foi ata os 12-13 anos que empecei no fútbol sala no Poio”.
