Mal inicio nos Xogos Olímpicos para a galega Támara Echegoyen. A ourensá, que compite no 49er FX de vela con Paula Barceló, rematou oitava á fin da primeira xornada.
As dificultades metereolóxicas, que complicaron a navegación, non foron nun principio problema para a embarcación española.
Na primeira regata, Echegoyen e Barceló acadaron un gran segundo posto, revalidando a súa condición de favoritas na cita nipona.
A competición torceuse na segunda carreira. As actuais campioas do mundo envorcaron, pero foron capaces de recuperarse do contratempo remontando ata acadar a décima posición.
Na última proba, Echegoyen e Barceló sufriron un fóra de liña que as descalificou. As pedras no camiño non desmotivaron ao dúo de españolas, que logrou un meritorio oitavo posto á fin da xornada.
As seguinte cita disputarase en Sagami este mesmo mércores, 28 de xullo, desde as 07:50 horas.
