España ten lugar para unha única tripulación na clase 49er FX nos Xogos Olímpicos. Dous son os barcos con claras opción de ter esa pasaxe cara a Toquio 2020. En ambos os dous hai representación galega. O gran momento de forma no que chega a dupla formada por Támara Echegoyen e Paula Barceló indica que poden ser as elixidas. Acaban de se proclamar campioas do mundo en Australia. “Ten sido un campionato moi pelexado, no que tivemos que dar o mellor de nós”, declaraba a galega.
A plaza para Toquio acadouna o barco da galega Patricia Suárez e Nicole van der Velden, pero o gran momento competitivo que están a demostrar Támara Echegoyen e Paula Barceló, pode facer que sexa esta segunda galega a que acuda aos xogos en representación española. Echegoyen xa sabe o que é morder unha medalla de ouro olímpica e subir ao máis alto do podio. Este foi o seu terceiro cetro mundial. Así que, á súa capacidade de navegación e nivel dentro da flota mundial do 49er FX, se lle suma unha experiencia en situación límite de alta competición que pode ser crucial á hora de que na RFEV decidan que tripulación vai a Toquio.
Á xornada final, na que se disputaba a Metal Race, Támara Echegoyen e Paula Barceló, chegaron segundas. Nas quendas decisivas obtiveron os postos que fixeron delas as donas do cetro mundial. Os erros das súas rivais, as británicas Dobson e Tidey, axudaron nesta ocasión as españolas a acadar a medalla de ouro e ser campioas.
A competición tivo que estar suspendida en varias xornadas debido as condicións meteorolóxicas do campo de regatas de Geelong (Australia). A cita celebrouse con fortes ventos.
Conta a Federación Española de Vela que Tamara Echegoyen e Paula Barceló , do equipo Movistar alcanzaron a Metal Race dos 49er FX na primeira posición de la táboa, a un so punto de Dobson e Tidey. Esa fase final da competición contou con ventos de 20 nós.
A final foi complicada coas españolas e inglesas nunha loita interminable desde a liña de saída da regata. Con Támara e Paula por diante, o último tramo da proba foi toda unha proba de control da embarcación e dos nervios.
Proba do duro da competición son os vídeos que dan contada das complicadas e disputadas viradas que levaro a cabo nos barcos de 49er FX apurando cada metro do campo de regatas.
Chaotic 49erFX mard rounding determines World Championship from 49er and Nacra 17 Sailing on Vimeo.
Echegoyen: “Estamos felices! Conseguimos o Campionato do Mundo
Támara Echegoyen e Paula Barceló fixeron en Geelong unha mostra de poderío e navegación, mentres a súas contrincantes volcaban no último treito. A regatista galega, campioa do mundo declaraba logo de rematar esta competición: “Estamos felices! Acabamos de conseguir o campionato do mundo. Ten sido un campionato moi pelexado, no que tivemos que dar o mellor de nós. Hai que darlle a noraboa á tripulación inglesa de Charlote e Saskia que fixeron un traballo formidable e ata o último momento non sabíamos quen das dúas ía gañar. Aproveito a oportunidade para darlle as grazas ao noso grande equipo, porque isto non tería sido posible sen todos eles”.
Támara Echegoyen: “Ten sido un campionato moi pelexado, no que tivemos que dar o mellor de nós. Hai que darlle a noraboa á tripulación inglesa de Charlote e Saskia que fixeron un traballo formidable e ata o último momento non sabíamos quen das dúas ía gañar”
Yeahhhhhhh! ÉXITO DE LA VELA 🇪🇸. 🥇⛵😍Tamara Echegoyen y Paula Barcelo CAMPEONAS DEL MUNDO 2020 🥇⛵@23energy_ pic.twitter.com/SKnExB07yT
— RFEV (@oficial_rfev) February 15, 2020
Comentaba a patroa galega que debido á “Volvo Race, Paula e eu comezamos esta campaña un pouco tarde; é tivemos pouco tempo para tratar de chegar ao alto nivel desta frota. No último Mundial en Auckland tivemos que abandonar (debido a unha lesión de Paula). Aquí só tratamos de concentrarnos todos os días”. O resultado non puido ser mellor.
Pola súa parte, Paula Barceló, daba as “grazas a por todo o apoio acadado desde casa, por todo o equipo que hai detrás e que nos ten coidado esta semana. Estamos moi contentas e… a seguir traballando”.
Remontada na última xornada de Patricia Suárez
A tamén galega Patricia Suárez e a súa compañeira de tripulación, Nicole van der Velden, (Grupo Profand) remataron en 14ª posición. Non chegaron a entrar na Medal Race. Con todo, tamén asinaron unha espléndida última xornada cun segundo e un primeiro lugar. O que lles serviu para ascender na táboa clasificatoria na última data dez postos. Pasando do 24º ao 14º lugar.
Ademais do ouro da parella Echegoyen-Barceló, España colleitou unha prata para Diego Botín e Iago López Marra en 49er, e un 6º posto para Tara Pacheco e Florián Trittel na clase Nacra 17.
🇪🇸💃💃💃ÉXITO CON MAYUSCULAS DE LA VELA 🇪🇸a pocos meses de los JJ.OO.
– @TEchegoyen Y @PBarceloPodium Campeonas del Mundo de #49erFX
– @botinmarra49 Subcampeones del Mundo #49er
–@Tarapachecus /Trittel 6º en #nacra17.
💃💃💃 pic.twitter.com/ft7BYT1wfd— RFEV (@oficial_rfev) February 15, 2020
Consulta aquí as clasificacións da proba cos postos nas diferentes mangas.
Mira o vídeo da regatas da sexta xornada en Australia
