A regatista galega Támara Echegoyen anunciou a través da súa conta en Instagram que tomar a decisión de “poñer punto e final” á súa “carreira olímpica”. Ao mesmo tempo apunta que e precisaba “pechar etapas para abrir novas oportunidades á procura de novos desafíos que me permitan seguir crecendo como regatista e como profesional”. Advirte que é un ata logo ao “mundo olímpico, é un ata logo, estou convencida que nos veremos pronto e que o gozarei desde outro punto de vista”.
Ver esta publicación en Instagram
Explica a deportista ourensá en primeira persoa na súa conta na citada rede social: “Tomei a decisión de poñer punto e final á miña carreira olímpica. Durante estes últimos meses tomeime o tempo para reflexionar sobre a miña traxectoria deportiva: o trazado que debuxei, a compañía da que gocei, as metas que se alcanzaron e tamén, as que non se lograron”.
Támara Echegoyen defínese nese comunicado como unha “soñadora de profesión teño que confesar que nin nos meus mellores soños podería imaxinar ter esta incrible carreira olímpica que me alzou ao mais alto, tanto profesional como persoal”.
Admite a regatista galega que “tomar unha decisión como esta non é fácil pero era a hora de facelo. Necesitamos pechar etapas para abrir novas oportunidades e niso é no que me atopo. En busca de novos desafíos que me permitan seguir crecendo como regatista e como profesional”.
Un ata logo de Támara Echegoyen ao olimpismo
Tal e como anuncia a propia Támara Echegoyen, este comunicado non supón unha “despedida do mundo olímpico, é un ata logo, estou convencida que nos veremos pronto e que o gozarei desde outro punto de vista”.
Remata o seu comunicado a campioa olímpica dicindo estar: “Eternamente agradecida a todos os que formastes parte desta extraordinaria aventura”.
Támara Echegoyen competía nos últimos Xogos Olímpicos xunto a Paula Barceló na clase 49er finalizando en 12.º lugar. A regatista ourensá disputaba os seus cuartos Xogos Olímpicos. Xa estivera en Londres 2012 (Ouro en Elliot 6m xunto a Ángela Pumariega e a tamén galega Sofía Toro), Río 2016 (4.ª Diploma olímpico), e Toquio 2020 (4.ª Diploma olímpico).
En París 2024 foi abandeirada do equipo español xunto ao padexeiro Marcus Cooper
Ademais das súas participacións olímpicas, Támara Echegoyen ten acadado diferentes logros como o Campionato do Mundo na clase 49er no 2016 facendo parella con Berta Betanzos, e no 2020 con Paula Barceló. Foi parte da tripulación da Volvo Ocean Race 2017-18 no barco do equipo MAPFRE patroneado por Xabier Fernández.
O palmarés da regatista galega sigue con máis logros como o Ouro no Campionato de Europa Elliot 6m (2011), o Ouro no Campionato do Mundo March Race (2013), o Ouro no Campionato do Mundo 49erFX (2016-2020) e dúas veces Bronce Europeo 49erFX.
