A elexida, foi Echegoyen. So había lugar para un barco español na clase 49er FX en Toquio 2020. As tripulacións con maiores opcións tiñan galegas nas súas filas. Unha, a de Patricia Suárez e Nicole van der Velden (Grupo Profand) fora a que gañara a praza, pero a outra, a formada por Támara Echegoyen e Paula Barceló (Movistar) viña apretando forte e foi a que finalmente levouse o gato a auga.
Estar nuns Xogos Olímpicos é un premio, pero tamén u reto e unha responsabilidade. Por iso a experiencia neste tipo de competicións, saber manexar moi ben as situación de estrés competitivo e chegar no mellor momento de forma á cita pesaba moito na decisión final da Real Federación Española de Vela para decidir que barco de 49er FX sería o elexido para participar na cita olímpica.
A proposta para o COE (Comité Olímpico Español) da RFEV (Real Federación Española de Vela) foi finalmente que Támara Echegoyen en Paula Barceló sexan as tripulantes desta clase que representen a España. A súa excelente competición no campo de regatas de Geelong en Australia hai nada, foi determinante. Alí se impuxeron no Campionato do Mundo nunhas condicións de competición difíciles e diante das que serán algunha das súas rivais en Toquio.
La RFEV pone nombre a las clases #49er, #49erFX y #Nacra17: Echegoyen/Barceló, Botín/López Marra y Pacheco/Trittel pic.twitter.com/Arf1mtqDrm
— RFEV (@oficial_rfev) February 19, 2020
Para Támara Echegoyen serán os terceiros Xogos Olímpicos. Sabe de que vai isto. De feito coñece o doce sabor dun ouro olímpico. Foi campiona en Londres na clase Elliot 6 co formato Match Race xunto coa asturiana Ángela Pumariega e a tamén galega Sofía Toro. Estivo tamén en Río no 2016. Daquela xa elixira a clase 49er FX, a súa compañeira era Berta Betanzos, e tivo que conformarse co diploma, que non é pouco.
Echegoyen: Diferentes clases, postos e retos na vela máis aló do olimpismo
A versatilidade de Echegoyen sobre un barco sorprende. Non é doado mudar de clase, de posto no barco, e seguir sendo parte da elite. Pero Támara demostra con cada paso que da na súa carreira que navegando sobre as augas está no seu medio ideal. O fixo cando se rerolou na Volvo Ocean Race coma parte da tripulación do Mapfre. Esa experiencia, de feito, foi un impás na súa carreira dentro das clases olímpicas de vela.
Unha lesión da súa compañeira Paula foi o principal atranco que esta parella de navegantes tiveron no seu camiño cara a Toquio 2020. Ao fin, o seu reto chegou a bo porto. Por diante, queda o máis duro, o gran reto: os Xogos Olímpicos.
Mágoa que España no puidera ter dúas prazas e Galicia tivera nestes XX.OO. dúas representantes con capacidade de dar seria loita polos metais: Támara e Patricia.
