- O equipo olímpico español de vela, no que está Támara Echegoyen, adestra xunto a tripulacións internacionais en Lanzarote.
A Real Federación Española de Vela (RFEV) informa sobre os adestramentos que está a realizar neste arranque de 2021 o equipo olímpico español de cara á súa posta apunto rumbo aos Xogos Olímpicos de Tokio.
Lanzarote acolle a preparación do ESP Sailing Team. Alí están tamén outros equipos internacionais. As augas lanzaroteñas están sendo testigos da preparación das tripulacións de países como Alemania, Gran Bretaña, Estados Unidos, Francia, Polonia, Finlandia, Noruega, Suecia, Brasil, Dinamarca, Holanda, Portugal, Israel, Turquía ou Suiza, segundo detalla a RFEV.
Ao tempo que adestran, compiten. Neste caso na Lanzarote Winter Series que se celebra este mes na illa canaria (sempre que as condicións sanitarias non interrumpan a competición).
O Real Club Náutico de Arrecife acolle as regatas, esta fin de semana, para as clases 470 masculino e feminino. Pola súa parte a Marina Rubicón será a base das clases 49er e 49er FX. OS días 21 e 24 regaterará os RS:X, Finn e Nacra 17, mentres que os Laser pecharían o circuíto regateando do 25 ao 28 de xaneiro.
Támara Echegoyen e Paula Barceló compiten en 49er FX
A representación galega é Támara Echegoyen que fai parella con Paula Barceló e competen en 49er FX. Son as actuais campioas do mundo e terán en fronte a regatistas como “A. Bekkerin e A. Duetz (NED), campioas de Europa e primeiras do Ranking Mundial, as subcampeioas de Europa H Naess e M Ronningen (NOR); I.M. Baad e M. Thusgaard, terceiras do Ranking Mundial, tal e como lembra a RFEV”.
