Tamara Abalde define Lugo como o destino perfecto. “A decisión de vir ao Ensino esta tempada foi bastante fácil”, aseguraba a internacional española na súa presentación como nova deportista do Durán Maquinaria Ensino de Lugo.
Segundo explicaba a xogadora galega: “Desde que souben do interese sabía que quería estar aquí e que Lugo era o destino perfecto. Quería volver a Galicia e estou moi ilusionada co equipo e a tempada que temos por diante”. Con respecto á súa adaptación Tamara Abalde dixo que “está a ser rápida e doada. Lugo es Galicia, conocía a varias xogadoras e a Miguel Ángel Ortega“.
Consultada sobre qué lles pide o adestrador, Tamara Abalde apuntou a cuestións como “intensidade, defensa, alegría en ataque, versatilidade e que todas demos un paso adiante para ser un equipo competitivo”.
Ao respecto do nivel que ve no Durán Maquinara Ensino Tamara Abalde explicaba: “Vexo ao equipo traballando moi ben, na liña adecuada, pero o que da realmente o nivel son os partidos”.
Miguel Ángel Ortega: “Tamara Abalde gustoume sempre”
O seu novo adestrador, o técnico do Durán Maquinaria Ensino, Miguel Ángel Ortega, apuntaba sobre a deportista que Tamara “é unha xogadora que sempre me gustou. É versátil que entende o xogo e fai mellores ás súas compañeiras. Cando soubemos que estaba no mercado non dubidamos en poñernos en contacto con ela”, confesaba o técnico do conxunto galego. “En baloncesto canto menos encasillada esté unha xogadora máis versátil é”, defendía o adestrador como unha cualidade que atopa en Tamara Abalde.
