A galega Tamara Abalde está presente na lista de Lucas Mondelo. O seleccionador da absoluta deu a coñecer as doce xogadoras que viaxarán a China para disputar o Preolímpico do 6 ao 9 de febreiro a través dun comunicado na Federación Española de Baloncesto (FEB).
As españolas loitarán pola clasificación para os Xogos Olímpicos de Toquio 2020. Poñerán rumbo a cidade de Foshan o sábado 1 de febreiro para iniciar a concentración e preparar esta cita. Mondelo, xunto ao corpo técnico e a Dirección Deportiva da FEB, confeccionaron un grupo de gran experiencia internacional composto pola base dos últimos anos.
“Moitas xogadoras teñen algúns problemas físicos pero se está traballando moi ben con ellas para que cheguen nas mellores condicións. Introducimos algún elemento novo na selección que para o verán dará o salto con moita forza”, en palabras do Seleccionador.
Abalde entre en substitución de Astor Ndour, a MVP do Eurobasket
A principal novidade desta convocatoria é a ausencia da MVP do Eurobasket pasado, Astou Ndour. A senegalesa que obtivo a nacionalidade en 2011 está recuperándose dunha lesión. En substitución entrará a galega do Valencia Basket, Tamara Abalde. A lista das 12 xogadoras é a seguinte:
- Silvia Domínguez, a base do Perfumerías Avenida.
- Cristina Ouviña, a base do USK Praga.
- Laia Palau, base do Spar Citylift Girona.
- Queralt Casas, a escolta do Valencia Basket.
- Leonor Rodríguez, a escolta do Familia Schio Italia.
- María Conde, a alero do CCC Polkowice.
- Alba Torrens, a alero do UMMC Ekaterinburg.
- Marta Xargay, a alero do Spart Citylift Girona.
- Tamara Abalde, a ala-pívot do Valencia Basket.
- Laura Gil, a ala-pívot do Perfumerías Avenida.
- Nogaye Lo, a pívot do Lointek Gernika.
- Laura Nicholls, a pívot do Fernerbahçe.
Pola súa parte, Mondelo encabezará o corpo técnico. Acompañaranlle Madelen Urieta e Isaac Fernández, como adestradores axudantes, o preparador física Jordi Aragonés, Juan Francisco Abellán como médico, Juan Carlos Palacio e Óscar Ortega como preparadores físicos e Susana Ferreras en funcións de delegada.
Chegan a Fushán, como as doble campioa de Europa e a actual subcampioa olímpica. Estas doce buscarán a clasificación para os Xogos Olímpicos de Toquio que se celebrarán este verán.
De lograr o billete a Xapón, as féminas disputarían os quintos Xogos da súa historia tras a participación en Barcelona 1992, Atenas 2004, Pekín 2008 e Río 2016.
Os rivais serán as seleccións de China, Gran Bretaña e Corea. Un grupo de catro países que repartirá o boleto ós Xogos á os tres mellores clasificados do mesmo. O calendario será o seguinte:
- Xoves 6 de febreiro: España – Corea e China – Gran Bretaña.
- Venres 7 de febreiro: Descanso.
- Sábado 8 de febreiro: España – China e Corea – Gran Bretaña.
- Domingo 9 de febreiro: España – Gran Bretaña e Corea – China.
