En total nove deportistas galegos e un técnico, Toño Ríos, foron os que participaron no Centro de Alto Rendemento (CAR) de Murcia na concentración ‘Ponte á Excelencia 2021’ de taekwondo, que rematou o pasado 12 de agosto, segundo informa a Federación Galega de Taekwondo.
Estiveron na cita os deportistas: Arlet Ortiz (-57, Mat´s), Cloe Iglesias (-62, Patiño), Tania Castiñeira (+73, Hebe), Desiree Rivadulla (+73, Suh Sport), Pablo Patiño (-68, Patiño) e Adrián Salanova (-74, Maniotas), ademais do técnico galego Toño Ríos.
As e os deportistas galegos teñen que pensar agora xa no Europeo da modalidade, que se celebrará en Tallín neste mesmo mes.
Na concentración do CAR de Murcia tamén estiveron os cadetes Pablo Torrado (-41, Costado) , Nadia Bouzas (-37, Kae Sport) e Noa Romero (-44, Natural Sport).
