O Pescados Rubén Burela empata contra o STV Roldán FSF 1-1, neste primeiro partido de ida de semifinais do Play-off polo título na Primeira División feminina de fútbol sala da RFEF. As laranxas xóganse o pase á final no partido de volta en Vista Alegre.
Reparto de puntos tras un partido muy intenso en el que hemos dejado todo sobre la pista ante una afición volcada con el equipo y que deja la eliminatoria abierta para resolverse en Burela este próximo sábado.
¡GRACIAS AFICIÓN! 🙌🧡
📸 Loyola Pérez#STVRoldan pic.twitter.com/ZQGuvkUdzr
— STV Roldán FSF (@RoldanFSF) June 15, 2022
Este partido de ida de semifinais empezaba con moito respecto entre os dous equipos. Era un partido moi igualado, sen ocasións claras. Os primeiros 10 minutos transcorreron desta forma, con ningún combinado tomando as rendas do xogo.
Con todo, a pesar de non estar a xerar moito ningún equipo, o STV Roldán ía adiantarse cunha xogada ensaiada que finaliza Alba Gandía no minuto 10. A partir do gol as laranxas do Pescados Rubén Burela conseguían elaborar bo xogo, pero non lograban profundizar na área rival.
As locais estaban con moita máis entrega e con intensidade que as laranxas, e non cedían nin un momento un balón. A ocasión máis clara que ía ter o Pescados Rubén Burela sería cunha xogada na área que case aproveita Ale de Paz.
O STV Roldán controlaba a situación, e segundos antes de finalizar a primeira parte, a punto estivo de poñerse 2-0 cun man a man que solventaba providencialmente Jozi. Con todo isto, o partido chegaría ao descanso con vantaxe pola mínima para o cadro murciano.
No inicio da segunda parte as laranxas combinaban con máis perigo e tiveron algunha boa ocasión para poñer o empate, a máis clara un disparo de Peque que se escapou polo lateral. Con todo, o STV Roldán seguía con máis intensidade, moi implicado en defensa e con ambicións de buscar o segundo, e estivo a piques de facelo no minuto 28 pero Jozi intervíu.
O partido cambiou a partir dos minutos finais, onde as guerreiras estaban a xerar serio perigo de gol con boas accións, e ía chegar o empate no minuto 35 de Peque tras unha asistencia de luxo de Emilly que lle serve o balón en bandexa.
⏰Min 35. GOOOOOL!⚽️. @pgmota7 EMPATA EL PARTIDO! Gran jugada de @EmillyMarcondes que le sirvió el pase en bandeja a la capitana laranxa. Seguimos 🟠🔥#burelafs #SomosFutsal #Futsalfemenino @RoldanFSF 1 @burelafs 1 pic.twitter.com/QISCCBIwGp
— Pescados Rubén Burela FS (@burelafs) June 15, 2022
Tanto cambiou a escena nestes minutos finais, que acabando o partido o conxunto que prepara Julio Delgado, ía ter unha ocasión clarísima para poñer o 2-1, cun dereitazo de Peque que detén a meta Cristina.
Ademais, nos seus peores minutos, o STV Roldán FSF case rabuña tamén o gol con algunha acción ao final do encontro que solventaba Jozi. En definitiva, o partido acabaría con empate no marcador con todo por decidir en Vista Alegre. O Pescados Rubén Burela xa chamou pola súa afección nas redes sociais para encher o pavillón galego coa forza que alente ás Guerreiras Laranxas cara á seguinte eliminatoria desde play-off polo título.
Este sábado temos unha cita moi importante en Vista Alegre! 🙌
Hai que enchelo cunha #MareaLaranxa que leve ás nosas Guerreiras cara á vitoria. Non podemos fallarlles! 👏🧡
A por todas! 💪 pic.twitter.com/TXYocixKFb
— Pescados Rubén Burela FS (@burelafs) June 15, 2022
FICHA TÉCNICA
1) STV ROLDÁN: Cristina, Consuelo, Mariangeles, Ángela, Mayte, -Cinco Inicial- Patricia, Toñi, Andrea, Alba Gandía, Noelia, Marian, Carmen , Almudena, Laura y Ana Rubio.
1) PESCADOS RUBÉN BURELA: Jozi, Ale de Paz, Cilene, Emilly, Jenny- Cinco inicial- Lara Balseiro , Elenita, Bea Mateos, Irene Samper, Elena Aragón, M.Cortés, Dany, Sandra Buzón
GOLES: Min 10 Alba Gandía 1-0; Min 35 Peque 1-1.
EQUIPO ARBITRAL: Delgado Sastre, Pablo – Gabaldon Rico, Samuel – Garcia Olivares, Julia Angels
INCIDENCIAS: Partido correspondente á semifinal de ida do play-off polo título de Primeira División RFEF Futsal Femenina, disputado no pavillón Gabriel Pérez Sánchez.
