A segunda xornada da Primera División trouxo un derbi galego entre o Poio Pescamar e o Pescados Rubén Burela rematou cun empate no marcador por un 1-1, mostrando sobre o campo da Seca o alto nivel e a igualdade entre os dous equipos.
Antes deste duelo irmandiño, os dous conxuntos chegaban ao encontro como líderes da clasificación da máxima categoría, cunha vitoria cada un conseguidas na primeira xornada, e deixando patente o alto nivel do futsal galego.
Pulso igualado entre os xigantes galegos
Todo facía prever un duelo entre xigantes para o partido na Seca, e así foi. Desde o minuto un as xogadoras de ambas equipos fixeron gala do seu talento, mantendo o partido equilibrado e con ocasións para ambos bandos.
Non foi ata o minuto 15, cando Dani Sousa anotaba para o Poio Pescamar, que se rompeu esa igualdade. A futbolista recibiu un pase de Ana Rivera e logrou superar a Buzón baixo paus poñendo o 1-0 no marcador.
O Poio puido aumentar a súa vantaxe dominando as contras, mentres que entre as Guerreiras Laranxas destacaban as actuacións de Elena Aragón e Peque. O segundo tanto das vermellas puido chegar da ex laranxa Jane, pero Jozi apareceu na meta para botar por terra as súas aspiracións.
As do Burela seguiron presionando a través de Cami, Dany e Peque, ata que chegou o premio. Un saque de banda de Leti a falta de segundos para o ecuador da segunda metade foi finalizado por Emilly, quen puxo as táboas no electrónico.
Nos minutos finais, ambos conxuntos tiveron oportunidades de levarse a vitoria, pero o equilibrio mantívose deixando finalmente un reparto de puntos.
Despois de dúas xornadas, ambos equipos suman catro puntos, ocupando a cuarta e a quinta posición da táboa.
FICHA TÉCNICA
POIO PESCAMAR: Caridad, Ana Rivera, Irene García, Dani Sousa, Luci, cinco inicial. Tamén xogaron: Jane, Luísa Mayara, Dupuy, Anna Escribano e Chiesa.
PESCADOS RUBÉN BURELA: Sandra Buzón, Peque, Cami, Bea Mateos, Emilly, cinco inicial. Tamén xogaron Ale de Paz, Dany, Elenita, Leti, Elena Aragón, Cilene e Jozi.
MARCADOR: 1-0, minuto 15, Dani Sousa; 1-1, minuto 30, Emilly
ARBITRAXE: Darriba Villamor // Vilas López. Por Poio amarela para Anna Escribano (minuto 25), Lucía Paz (minuto 25). Por Burela amarela para Dany (minuto 17), Jozi (minuto 32)
INCIDENCIAS: Partido correspondente á xornada 2 de Primeira RFEF Feminina disputado na Seca coa emisión en directo de TVG2.
