As segundas clasificadas, o CP Vila-Sanam visitaban Riazor e o HC Deportivo Liceo sabía que tería ante si un rival complicado, con xogadoras internacionais, pero tamén estaba confiado nas súas posibilidades en cancha propia. As galegas chegaron ao descanso dous goles por debaixo pero remontaron ata deixar o cruce en táboas (2-2).
No primeiro minuto de xogo o CP Vila-Sana xa abría o marcador. Foi un gol que anotaba Laura Barcóns e que deixaba clara a capacidade anotadora das visitante e a súa aposta por vencer no Pazo dos Deportes de Riazor.
🟡Resultat del partit d’OK LLIGA d’avui:
🟣DEPORTIVO LICEO2️⃣-2️⃣CP VILA-SANA
🟡Gols de Laura Barcons i Vale Fernández.#cpvilasana #ok #hoquei #unio #entrenaments #equips #oklliga #unpoble #unafamilia #partitapartit #lliga #endavant #temporada2023 pic.twitter.com/3EGigct1Bq
— CLUB PATÍ VILA-SANA (@hoquei_vilasana) March 11, 2023
Chegaría o segundo gol das catalás do Vila-Sana antes de consumirse o cuarto de hora de xogo. Foi Valentina Fernández (0-2). Pero o espíritu competitivo das liceístas que adestra Stanis García está cada vez máis patente e colle folgos partido tras partido. Non se renderon.
Á volta de vestiarios o HC Deportivo Liceo foi retomando o control e sobre todo foi quen de anotar. Primeiro sería María Sanjurjo a que achegaría o marcador ao 1-2. E finalmente, no 45 de xogo, Alba Garrote (que figura terceira na lista de máximas goleadoras da Ok Liga Ibedrola) transformaba un penalti para poñer as táboas no electrónico do Pazo dos Deportes de Riazor.
A remontada liceísta facía xustiza a un partido no que o reparto de puntos foi o máis aquelado logo de que cada equipo dominase nun período no xogo e nos goles.
FICHA TÉCNICA
HC DEPORTIVO LICEO: Viky Carettta, Luchy Paz, Bea Gaete, María Sanjurjo e Alba Garrote – quinteto inicial -. Tamén xogaron: Marlena Rubio, Lara Yáñez, Cris Diz e Ale Martín.
CP VILA-SANA: Anna Salvat, Luchi Agudo, María Figuerola, Laura Barcóns e Victoria Porta Escoda – quinteto inicial -. Tamén xogaron: Valentina Fernández, Julieta Fernández, Daiana Silva e María Porta Escoda.
GOLES: 0-1: Laura Barcóns (min. 1). 0-2: Valentina Fernández (min. 13). 1-2: María Sanjurjo (min. 37). 2-2: Alba Garrote (min. 45 penalti).
EQUIPO ARBITRAL: Lorenzo Bosch Sande. Sen amonestadas. Auxiliar: Carlos Chouciño Fernández. Cronometrador: David Martos Rodríguez.
INCIDENCIAS: Partido correspondente á xornada 21ª da Ok Liga Iberdrola disputado no Pazo dos Deportes de Riazor na Coruña.
