“Nesta etapa aprendín a ter máis paciencia, a non andar ás présas con todo e a tomarme o tempo necesario das cousas”.
“Durante o confinamento non pensei en voltar a España, todos os días tíñamos reunións ‘online’, dinámicas coas xogadoras e moito traballo que facer”.
“O principal obxectivo que temos no Macará é crear unha estructura feminina dentro do club con categorías formativas e darlle un xogo característico ao equipo”.
Susú Cores leva máis dun ano ao outro lado do charco, en Ecuador, nun país que a recibiu cos brazos abertos. Pandemia e confinamento de por medio, a ribeirense quere seguir aportando o seu gran de area ao fútbol ecuatoriano para seguir medrando e acumulando experiencias.
A galega colgou as botas no Vitoria CF da Coruña, onde xogou cinco tempadas á vez que adestraba a categorías inferiores das cebras. Tarefa que compaxinaba tamén coa formación universitaria en INEF, ata que pasou a ver o fútbol desde o outro lado da línea de cal.
Tras o seu paso polas Dragonas, Cores ten un novo obxectivo para esta tempada. A barbancesa fichou, o pasado mes de febreiro, por outro equipo de Ecuador, o Club Deportivo Macará, onde se fará cargo do conxunto feminino. Susú Cores recoñece que a súa intención é a de seguir medrando profesional e persoalmente e traballar para “darlle ás fútbolistas os recursos necesarios para que o seu rendimento sea óptimo e sigan aprendendo”.
A que fora seleccionadora galega e adestradora do Boimorto arrincou a súa aventura sudamericana dirixindo ao bloque feminino de Independente del Valle, para recalar o pasado mes de febreiro no conxunto da cidade de Ambato do que destaca que “é un club que está medrando e que está centrado en mellorar as categorías formativas para que o feminino vaia acorde aos pasos do masculino”.
– As Nosas: Chegaches a Ecuador o 11 de febreiro de 2020, e tras máis dun ano alí, como valoras a túa primeira tempada ao otro lado do charco?
Susú Cores: A verdade é que está a ser uha experiencia moi boa, moi positiva e moi peculiar. Cheguei o 11 de febreiro e en apenas 3 semanas confináronnos. Estiven casi máis tempo confinada que traballando pero o tempo que tiven aquí puiden aproveitalo tanto presencialmente como vía online.
Nesta etapa aprendín a ter máis paciencia, a non andar ás présas con todo e a tomarme o tempo necesario das cousas. Esta experiencia serviume para valorar a importancia da lealtade e formar un bo grupo de traballo que é o que dá os frutos neste deporte.
Susú Cores, adestradora do C.D.Maracá: “Esta experiencia serviume para valorar a importancia da lealtade e formar un bo grupo de traballo que é o que dá os frutos neste deporte”
– A.N: Ademais, coincidiu que foi un ano moi complicado e duro xa que ao mes de chegar a Ecuador parouse todo polo covid-19. Como foi vivir esa experiencia tan lonxe? Pensaches en volver a España nalgún momento?
Susú Cores: Foi chegar e encher porque apenas tiven tres semanas de adestramento e chegou o coronavirus e o confinamento. Ao principio vivín todo con bastante incertidume pero o bo e que estiven nun club (Independiente del Valle) que nos brindou todo o seu apoio e sempre nos fixeron sentir coma na casa. Ao ser varios españoles fixemos como un grupo familiar e iso fixo que a situación non fora tan mala.
En todo ese tempo non pensei en voltar a España, todos os días tíñamos reunións online, dinámicas coas xogadoras e moito traballo que facer. Iso fixo que pasase rápido e sobre todo porque desde a Federación apoiaron moito ao fútbol feminino.
Susú Cores, adestradora do C.D.Maracá: “En todo ese tempo non pensei en voltar a España, todos os días tíñamos reunións online, dinámicas coas xogadoras e moito traballo que facer”
– A.N: Tras o paso polas Dragonas, agora tes un novo obxectivo e proxecto no Club Deportivo Macará. Cales son as túas aspiracións ou obxectivos neste novo club?
Susú Cores: Son dous clubs moi distintos. Independiente Dragonas é un club que ten moitos anos de historia, que xa está consagrado no fútbol feminino ecuatoriano e está chamado a lograr o maior dos éxitos. Pola contra, o Club Macará é un club que está medrando e que está centrado en mellorar as categorías formativas para que o feminino vaia acorde aos pasos do masculino.
O proxecto para o Macará é o de un equipo feminino de proceso. Esta é a súa terceira participación na SuperLiga Ecuatoriana é o que se busca é que o equipo medre e que poda consagranse para ser un referente la Liga. Sempre aspiramos alto pero temos que ser conscientes das limitacións que temos, o obxectivo non é gañar a Liga nin chegar á Libertadores a curto prazo, senón que o principal obxectivo é mellorar o feito o curso pasado, crear unha estructura feminina dentro do club con categorías formativas e darlle un xogo característico, que se identifique o estilo de xogo co club Macará.
Susú Cores, adestradora do C.D.Maracá: “O principal obxectivo é crear unha estructura feminina dentro do club con categorías formativas e darlle un xogo característico, que se identifique o estilo de xogo co club Macará”
– A.N: Que pode aportar Susú ao Club Deportivo Macará?
S.C: O que eu podo aportar sobre todo é traballo. Estou aquí vivindo 24 horas de fútbol que é o que sempre quixen facer. Intento darlle ás fútbolistas os recursos necesarios para que o seu rendimento sea óptimo, para que sigan aprendendo e sigan medrando.
O meu obxectivo é que sexan mellores futbolistas e mellores persoas, isto é algo bidireccional porque elas tamén me aportan a min.
Susú Cores, adestradora do C.D.Maracá: “O meu obxectivo é que sexan mellores futbolistas e mellores persoas, isto é algo bidireccional porque elas tamén me aportan a min”
– A.N: Que aprendiches do fútbol ecuatoriano ata o momento e que diferencias aprecias co fútbol español?
S.C: Cando cheguei a Ecuador fíxenno casi a ciegas, agora xa coñezo máis aos equipos e a cultura de aquí.
Creo que en España levamos uns anos de ventaxa con respecto ao de aquí. En Ecuador agora se está empezando a apostar polo fútbol base para que as xogadoras non cheguen con tantas carencias ao fútbol profesional. Aínda queda moito, que os clubs teñan esa profesionalidade e seriedade á hora de cumplir os contratos e tratar ás xogodoras con maior profesionalidade.
Aquí tácticamente hai máis lagunas e moito que traballar pero creo que hai moito potencial e os equipos teñen moito marxen de mellora. Por eso sigo aquí, porque creo que os club teñen moito marxen de mellora e a miña intención e seguir aportando o meu gran de arena para seguir medrando.
Susú Cores, adestradora do C.D.Maracá: “Aínda queda moito, que os clubs teñan esa profesionalidade e seriedade á hora de cumplir os contratos e tratar ás xogodoras con maior profesionalidade”
– A.N: Que cres que é o que lle falta ao fútbol ecuatoriano para dar ese salto de calidade? Un maior rigor táctico? Está claro que a nivel físico e técnico son moi boas futbolistas…
S.C: A nivel táctico hai bastantes carencias por esa falta de proceso formativos. As xogadoras chegan aos primeiros equipos con conceptos básicos que non traballaron e non teñen adquiridos. Hai moitas xogadoras que non teñen unha metolodoxía de traballo e eso é o que se está a intentar solventar desde a FEF (Federación de Fútbol Ecuatoriana). Tamén hai que intentar que os clubs teñan un trato máis profesional coas xogadoras.
Susú Cores, adestradora do C.D.Maracá: “As xogadoras chegan aos primeiros equipos con conceptos básicos que non traballaron e non teñen adquiridos”
Cores: “Gustaríame que as rapazas do Dépor ABANCA B mantivesen o espello no que mirarse na Liga Iberdrola”
– A.N: Supoñemos que estas a seguir a Liga Iberdrola desde a distancia, que opinas sobre a tempada tan complicada que está a vivir o Dépor ABANCA?
S.C: A pesar da diferencia horaria sigo todo o que podo a Liga Iberdrola ao igual que o outras de Ligas Europeas. É unha mágoa todo o que está a pasar xa non solo co Deportivo ABANCA, senon con Deportivo en xeral. Esperemos que deixen traballar e que sexa un proceso de mellora.
O Dépor ABANCA perdeu xogadoras moi importantes este ano tras a gran campaña do ano pasado. A Liga Iberdrola cada ano é máis dura e se perdes calidade na plantilla vas a ter que pagalo no campo. Creo que con traballo pódense salvar, ese é o camiño. Ogallá o traballo dea os seus frutos e poidamos seguir tendo a un club galego na elite do fútbol feminino.
Tamén me gustaría destacar as rapazas do Dépor ABANCA B, moitas delas que estiveron conmigo na Selección Galega e sería unha mágoa que o equipo baixase e non puidesen ter ese espello na Liga Iberdrola para medrar e seguir competindo no máximo nivel.
Susú Cores, adestradora do C.D.Maracá: “Ogallá o traballo dea os seus frutos e poidamos seguir tendo a un club galego na elite do fútbol feminino”
