A festa do futsal internacional, materializada nos amigables que enfrontaban á Selección Española e á Selección Brasileira, non poderá celebrarse. As restricións sanitarias por mor da COVID-19 impiden que o corpo técnico canarinho viaxe a terreo español.
A Real Federación Española de Fútbol ven de informar desta mala noticia para o fútbol sala. Os duelos estaban previstos para o martes, 9 de febreiro, e o mércores, día 10, na Ciudad del Fútbol de Las Rozas.
Nas últimas horas, o Goberno español anunciou novas medidas para frear o desenrolo de novas novas cepas do coronavirus. Entre elas, está a prohibición de que os viaxeiros procedentes de Brasil aterren en terreo español, polo que as compañías áereas brasileiras xa notificaron que non poderán viaxar ata España.
Isto non supoñía un problema para as canarinhas convocadas. Todas elas militan en clubs españoles ou italianos, polo que poderían desprazarse sen problema. Non así o seu corpo técnico, que chegaría procedente do outro lado do Atlántico.
Ante esta situación, tanto a RFEF como a CBFS acordaron non cancelar definitivamente estes duelos amigables e pospoñelos para cando se poidan realizar seguindo os protocolos establecidos.
🚨 OFICIAL | Suspendido el doble duelo amistoso entre la @SeFutbolFem sala y Brasil.
El cuerpo técnico brasileño no podría acceder a España debido a las nuevas restricciones adoptadas por las autoridades en la lucha contra la pandemia.
ℹ️ Más info: https://t.co/K6Wt3kpM5i pic.twitter.com/X3J0EKvuej
— Selección Española Femenina de Fútbol (@SeFutbolFem) February 4, 2021
Uns amigables coa representación do futsal galego
Estes encontros ían ter moita representación galega. No bando español, estarían catro xogadoras nadas en Galicia. Jenny Lores, do Ourense Envialia, Silvia, do Poio Pescamar, Ale de Paz, do Pescados Rubén Burela e Vane Sotelo, da AD Alcorcón foron convocadas por Clàudia Pons para esta concentración, así como Peque, do Burela e Caridad García, do Poio.
No lado das amarelas, o seu plantel tamén gardaba moita relación co futsal feminino de Galicia. Concretamente coas Guerreiras Laranxas; catro delas foron citadas para estes amigables: Jozi, Dany, Cami e Jane.
Catro galegas forman parte da convocatoria da Selección de futsal
