O protocolo COVID–19 obriga á suspensión do encontro de semifinais da Copa Xunta de Galicia que hoxe ían disputar o Ourense Envialia e o Poio Pescamar no Paco Paz da cidade das Burgas.
O positivo dun contacto directo dunha das futbolistas do conxunto local fai que se active o protocolo de prevención da transmisión do coronavirus e que esa situación afecte ao desenvolvemento dese partido.
Tal e como indican desde as súas redes sociais o Ourense Envialia: “Por desgraza, son situacións que entran dentro do posible tocounos a nós. Esperamos poder dar pronto mellores novas, mentres: SENTIDIÑO e coidense moito, por favor”.
O protocolo sanitario obriga ao illamento ata que se conte cunha PCR negativa. Ata entón, precisamente para preservar a súa saúde e a da súa contorna, as deportistas do Ourense Envialia non poderán adestrar e menos aínda xogar.
SUSPENDIDO // PARTIDO // COPA XUNTA // SEMIFINAL // 10/10/20 // PACO PAZ
OURENSE ENVIALIA FSF · @poiopescamarEl partido de semifinal de Copa Xunta ha tenido que ser suspendido por la mala noticia de un positivo de un contacto directo de una de nuestras jugadoras.
¡CUÍDENSE! pic.twitter.com/lqYWsdsVOF
— Ourense Envialia FSF (@OUenvialiaFSF) October 9, 2020
A raíz dese positivo Jenny Lores, xogadora do Ourense Envialia que estaba na convocatoria da Selección Española de Fútbol Sala Feminino, tivo que abandoar a lista, tamén como medida de precaución. Na súa substitución, Clàudia Pons chamou a Mayte do Roldan FSF.
⚠️ OFICIAL | Cambio en la convocatoria de la @SeFutbolFem Sala 🔁
🟥 Jenny Lores, jugadora de @OUenvialiaFSF, causa baja al estar en contacto con una compañera que ha dado positivo en COVID-19
🟩 Entra en su lugar Mayte, del @RoldanFSF
🔗 https://t.co/Q8Uf08F43s pic.twitter.com/ZZjF03nSeO
— Selección Española Femenina de Fútbol (@SeFutbolFem) October 9, 2020
