A concentración da Selección Española de baloncesto e da Selección 3×3 en Francia foron suspendidas. Un membro do corpo técnico obtivo un resultado non concluínte no test COVID-19, polo que por precaución a Federación Española de Baloncesto (FEB) tomou a decisión de non levar a cabo estas convocatorias.
Na primeira delas estaban convocadas tres xogadoras galegas: María Araújo, Raquel Carrera e Paula Ginzo. As baloncestistas ás ordes de Lucas Mondelo tiñan previsto disputar dous amigables con Francia en Toulouse, dous duelos que finalmente non se poderán xogar.
Ginzo, Carrera e Araújo, concentradas coa Selección Española
A Selección 3×3 ía xogar no Torneo de París
Esta decisión afecta tamén ao conxunto do 3×3, do que formaría parte Vega Gimeno, do Durán Maquinaria Ensino. Este equipo tiña previsto disputar o dobre Torneo París Womens NT organizado pola Federación Francesa os días 5 e 6 de febreiro. Ao estar concentradas no mesmo hotel que o equipo de Mondelo, o resultado dos tests COVID-19 tamén lles afecta a elas.
Vega Gimeno, do Ensino, convocada coa Selección Española 3×3
Segundo informa a FEB, o resultado do test dudoso está por confirmar, pero a decisión da suspensión é definitiva. O seu presidente, Jorge Garbajosa, agradecéulle á Federación Francesa a súa colaboración tanto á hora de planificar os partidos como na xestión da suspensión.
