Unha goteira motivou a suspensión do partido entre o HC Deportivo Liceo e o CH Cambre correspondente á terceira xornada da Liga Autonómica Senior Feminina. O cruce estábase a disputar na cancha colexial no momento que esta circunstancia motivou a paralización do xogo.
O marcador sinalaba un 5-0 para as xogadoras que adestra José Ares. A liceísta Nairara acumulaba catro goles no seu casilleiro particular. O resultado non se contabiliza aínda na clasificación.
O Liceo impuxo un ritmo alto
Sobre a evolución do encontro nos minutos disputados, desde o equipo técnico liceísta que encabeza José Ares, a adestradora Noemí Uzal comentaba que o partido contra o HC Cambre “presentouse como agardabamos. Elas viñan tamen con baixas, polo que nos fixeron un rombo. Estaban ben cerradiñas para defender a súa portaría e intentar aproveitar os nosos erros e saír á contra, pero as nosas rapazas eran conscientes, e saíron enchufadas co partido. Puxemos un ritmo alto, e froito diso irían chegando os goles”.
“Os minutos xogados foron bastante serios e de buscar tamén bastante portaría”, comentaba Uzal. Restan por disputarse 20 minutos e 42 segundos que terán que xogarse coas mesmas xogadoras e mesmas faltas. Aínda está por decidirse a data na que se reanudará este partido entre HC Deportivo Liceo e HC Cambre.
FICHA TÉCNICA
HC DEPORTIVO LICEO: Laia Navarrete (P), Lucía Paz (C ), Andrea Ojeda, Alejandra Martín, Naiara Vaamonde, Paula Mª Jiménez, Inés Temprano e Catherine Guscin.
HC CAMBRE: Evelyn Montes de Oca (P), Celia Pinacho, Lucía Parga ( C), Ana López, Raquel Parga e Cristina Diz.
RESULTADO: 5-0
GOLES:
Polo HC Deportivo Liceo marcou Lucía Paz (1).
Polo HC Deportivo Liceo marcou Naiara Vaamonde (4).
COLEXIADOS: Árbitro: Francisco José Martínez Suárez.
INCIDENCIAS: Pavillón do Colexio Liceo La Paz (A Coruña). Partido correspondente á terceira xornada da Liga Senior Feminina Autonómica da Federación Galega de Patinaxe.
