Suso Garrido, membro do corpo técnico do Durán Maquinaria Ensino, substituía ao primeiro adestrador, Antonio Pernas, na comparecencia ante os medios esta xornada. O rival das galegas nesta sexta xornada é o Valencia BC que chega a Lugo nunha dinámica negativa. As lucenses non se confían.
♀️ #LFEndesa @basketlover | Las de Rubén Burgos intentarán volver a la senda del triunfo en Lugo.@EnsinoLugoCB 🆚 @valenciabasket
📆 Sábado 5
⏰ 19:45 h
📺 @teledeporte pic.twitter.com/jBQdIFGRxJ— Baloncesto España (@BaloncestoESP) November 4, 2022
Precisamente ao preguntárselle sobre esa serie de resultados negativos do seu contrincante desta xornada, o Valencia BC (leva dous partidos gañados e tres perdidos), Suso Garrido explicaba: “Ao Valencia pásalle como moitos equipos que dobran competición e que ten lesionadas, que ten un partido, pouco tempo para recuperar, un pouco tempo para preparar, pero estamos a falar dun transatlántico de España e de Europa, a pesar das baixas se les o resto do roster e é un equipo incrible. Por tanto, aínda que teñan esas baixas sabemos que vai ser moi, moi complicado. Imos sen medo porque en casa sabemos o fortes que podemos ser”.
Apuntaba tamén Suso Garrido o dato de que as valenciás non gañaron a domicilio: “Somos conscientes de que aínda non gañaron fóra de casa en Liga. Sabemos que poden vir gañar o primeiro partido fóra de casa e sobre todo que non encaden tres derrotas seguidas. Iso para un club como Valencia importante evitalo”.
Consultado sobre se o feito de terlle gañado ao Perfumerías Avenida pode pasar factura, Suso Garrido declaraba: “Gañarlle ao Avenida pasa factura por unha banda e tamén polo outro. É dicir, sabemos que en casa somos fortes, sabemos que tamén os outros equipos van vir aquí a propósito do que pode pasar, pero o de Avenida non vale para nada se o día seguinte non estamos a pensar no seguinte rival. Por tanto imos co plan perfecto para tentar gañarlles”.
Na análise da situación do rival, o Valencia BC, Suso Garrido falaba de que o xogo do rival vese afectado por “unha mestura de todo. Non se se é a falta de Cristina Oubiña na dirección, por que Salvadores está a asumir moitos tiros e estao asumindo ben. Si que pode ser que se note a baixa de Alba Torrens e Rebeca Allen. Son moi importantes, pero creo que se están contrarrestando moi ben as baixas, a pesar das derrotas. Son xogadoras moi importantes, pero que eu creo que é un cúmulo de todo, das rotacións e a acumulación de minutos de xogadoras…”
Sobre o rival desta xornada do Durán Maquinaria Ensino, Suso Garrido, significaba o seu “xogo interior moi compensado. Dos mellores da liga porque son tanto fortes dentro, como con moi boa man. Non che pode dicir se con Alba e ao catro ou con Rebeca… eu creo que é un equipo moi forte”, aseguraba.
Suso Garrido: “Somos un equipo novo e inexperto pero damos pasos adiante”
Ao respecto da situación propia, a Suso Garrido se lle preguntaba se, dado que o Maquinaria Durán Ensino vai crecendo e se vai atopando máis regular, iso vese tamén no día a día do traballo do vestiario. Para o adestrador do conxunto lucense “O equipo é novo e a medida que van pasando as xornadas esa inmaturidade que tiñamos ao principio vaise corrixindo ao longo dos partidos. Seguimos sendo un equipo novo, inexperto en moitas cousas, pero eu creo que o outro día, o paso que demos de experiencia no partido. Comentámolo. Se cadra noutras circunstancias, o equipo remonta, empátannos e afrontariámolo dunha forma máis pesimista”.
Na opinión de Suso Garrido as xogadoras do Durán Maquinaria Ensino “cada vez van dando un paso adiante, van tendo máis confianza e iso vaise a ir reflectindo ao longo da tempada. Cremos moito no traballo que estamos a facer. Temos moitísima confianza nelas. Confiamos ao 100% no traballo estamos a realizar. Nós cremos que imos ir crecendo, pero non nos esquecemos de que é un equipo novo que vai cometer erros. Haberá días nos que tiremos moito e fallemos moito, e outros días nos que non cheguemos a tirar. Iso non nos ten que afectar ao seguinte partido, é dicir, ir crecendo xornada a xornada”.
No Ensino so é dúbida Paula
Consultado sobre as xogadoras disponibles, Suso Garrido explicaba que o equipo “está ben. Estamos a recuperar a Paula Ginzo que tivo unhas molestias que tivo nos últimos días pero cremos que vai estar ao 100% para o partido. Pero bo estas cousas de último momento sempre nos poden trastornar un pouquiño os plans”.
