Este luns, a paratriatleta Susana Rodríguez Gacio ten unha cita en La Resistencia. O programa presentado por David Broncano terá como invitada á galega, que vén de participar nos Xogos Paralímpicos obtendo un ouro en paratríatlon e sendo finalista nos 1.500 metros.
Desde as 0:00 horas en #0, a viguesa visitará o plató do late late show, como xa fixeran na pasada campaña Belén Toimil e as xogadoras do Burela FS.
🥇 Se veía venir la primera invitada de la temporada. @SuRGAcio #LaResistencia pic.twitter.com/2RfSS5e1uH
— La Resistencia en Movistar+ (@LaResistencia) September 13, 2021
Tempada de éxitos para Susana Rodríguez Gacio
La Resistencia dará inicio á súa nova tempada televisiva cunha atleta que se atopa no máis alto da súa carreira. Nos últimos meses, Susana Rodríguez Gacio proclamouse campioa do mundo e certificou a súa dobre presenza nos Xogos Paralímpicos. A cita máis importante foi a de Tokyo 2020, onde fixo historia como a primeira deportista española en competir en dúas modalidades deportivas distintas na mesma edición dos Xogos: paratríatlon e 1.500.
A súa especialidade é a primeira, e así o demostrou nas pistas niponas. Como favorita, a galega non defraudou e fíxose co ouro ao rematar a proba nun tempo de 1:07:15, tras liderar nas tres disciplinas.
Os seus logros chegaron ata a portada da prestixiosa revista Time, quen contou con ela nun especial sobre sanitarios deportistas que acudiron aos Xogos deste verán.
