A paralímpica galega Susana Rodríguez Gacio é unha das doce compoñentes do Trainers Paralímpicos, un programa no que deportistas con discapacidade visibilizan e dan a coñecer os seus valores e experiencias adquiridas na súa traxectoria.
A iniciativa está dirixida a empresas o entidades interesadas en fomentar o alto rendemento e está organizada polo Consejo Superior de Deportes, o Comité Paralímpico Español, a Fundación ONCE e as empresas do grupo social ONCE.
O proxecto busca ademais favorecer a incorporación ao mercado laboral das e dos deportistas que finalizan a súa carreira na alta competición, o que seguen inmersos nela, participando en competicións nacionais e mesmo internacionais, como é o caso de Susana Rodríguez Gacio.
A galega é unha das novas incorporacións do equipo de Trainers Paralímpicos, xunto a nomes como Eva Moral e Gerard Descárrega. A través do convenio, as institucións colaboran para lograr a formación das e dos deportistas, xestionar e tramitar os eventos nos que participan e aumentar a difusión das súas actividades.
