Susana Rodríguez Gacio reapareceu esta fin de semana na competición logo da caída que sufriu competindo en Vigo e que a levou ao hospital. Xunto a Sara Pérez, a galega vencía nas Series Mudiais de paratriatlón de Montreal na categoría PTVI para persoas con discapacidade visual.
Finaliza el ránking de clasificación paralímpica a París’24 en Montreal.
🥇 Susana Rodríguez – PTVI
🥉 J. Ruiz – PTS5
🥉 D. Lardon – PTS3
4º J. García – PTVI
4ª Eva Moral – PTWC
4º Nil Riudavets – PTS4
5ª Andrea Miguélez – PTS5
5º H. Catalá – PTVI
6º K. Carrasco – PTS3 pic.twitter.com/Yg4l5bF0JF— FETRI (@TRIATLONSP) June 29, 2024
A triatleta viguesa asinou un tempo de 1:04:26 e sacoulle máis de dous minutos á segunda, a italiana Francesca Tarantello (1:06:58) e a terceira foi a irlandesa Chloe MacCombe cun tempo de 1:08:12.
Non empezou ben na auga a deportista galega, pero xustamente no tándem (onde tivo a caída en Vigo) foi onde Susana Rodríguez Gacio conseguía remontar postos. No tramo final, a carreira mantivo o primeiro posto ata cruzar a liña de meta.
Centrada na recuperación despois desa caída e coa mirada posta nos Xogos Paralímicos de París 2024, nos que defenderá o título, a deportista viguesa decía na súa conta de Instagram que chegaba a esta proba de Montreal (Canadá) coa idea de facer “un adestramento en formato competición onde establecer un punto de partida para o que vén e rematamos cruzando a liña de meta cun sorriso na faciana logo dunhas últimas semanas complicadas. Toca retomar todo o traballo para poder chegar o mellor posible ao gran obxectivo do ano”, en referencia aos XX.PP.
Ver esta publicación en Instagram
