A calor, a humidade e a proba máis dura de todas, o tríatlon, non foron rivais para unha Susana Rodríguez Gacio que chegaba a Tokyo 2020 coa bitola de favorita e non defraudou.
A viguesa estivo por encima das súas rivais. Competiu a un nivel enorme. Completou o percorrido cun tempo de 1:07:15 sacándolle á segunda clasificada, a italiana Anna Barbaro nada menos que 3:56, case catro minutos. Impresionante.
⚡️ La cuarta noche en #Tokyo2020 deja 6⃣ medallas para España #ParalímpicosRTVE28A https://t.co/959AqSA4Jb
— RTVE Deportes (@deportes_rtve) August 28, 2021
Un número capicúa, o 606 podía lerse nos seus brazos e pernas, tamén nos de Sara Loehr, a súa deportista de apoio. É o dorsal co que esta galega, doutora en medicina, albina e cunha visión de menos dun 10% vén de facer historia outra vez. E as que quedan, por que xa lles digo que esta muller, non parece ter límites nin na vida, nin no deporte!
Comandou a competición nas tres disciplinas
Susana Rodríguez Gacio empezou a coller vantaxe fronte ás súas rivais desde o primeiro deporte, a natación. A deportista galega saía da auga, logo de nadar 750 m nas quentes augas da bahía do Parque Marino de Odaiba cun tempo de 12:29 e 17 segundos por diante da segunda que xa era a triatleta italiana.
Culminou a transición á bicicleta invertindo 1:17 e empezou a rodar. Fixo os primeiros 5 quilómetros en 7:53, rebaixounos na segunda volta ao circuíto a 7:44. Deixou a terceira en 7:50 e acusou o esforzo sobre o tandem na última volta que fixo en 8:09.
Novamente transición, esta vez do tandem á carreira a pé. Invertiu 57 segundos. Tamén na disciplina atlética Susana Rodríguez Gacio empezou máis forte que rematou con tempos máis longos (4:34, 5:21 e 5:17) facendo a última volta en 5:44.
A suma das tres disciplinas dá esa hora sete minutos e quince segundos que a suben ao máis alto do podio paralímpico.
Por detrás, quedou, a 3:56, a parella conformada pola italiana Anna Barbaro e a súa guía Charlotte Bonin, que foron prata. O bronce correspondeu á francesa Annouck Curzillat que tiña por deportista de apoio a Celine Bousrez. A diferencia das galas con Susana Rodríguez Gacio e Sara Loehr foi de 4:30. So dous segundos detrás entraron as británicas Alison Peasgood e Nikki Bartlett.
A aperta na que se funden as deportistas españolas ao cruzar a liña de meta fala do esforzo, de tanto tempo de traballo recompensado co premio máis grande, o ouro paralímpico. Si, certamente, canda menos nos Xogos e en Toquio, a súa sexa a aperta máis linda do día.
El abrazo ́ del día. ❤️
¡Gracias por este día tan especial, @SuRGAcio! ✨#Tokio2020 #JuegosParalimpicos@Paralimpicos
— #Tokio2020 en Español (@Tokyo2020es) August 28, 2021
Na propia páxina oficial dos Xogos Paralímpicos destacan que a galega é a primeira española en gañar un ouro na modalidade de tríatlon. Susana, segue a facer historia con cada paso que da. E non parece ter límites. Nesa mes crónica din que “a vitoria de Rodríguez é un testimonio da súa resiliencia como atleta e como persoa”, como dicimos por estas terras, unha verdade coma un puño.
O palmarés de Susana Rodríguez Gacio, suma e segue
Este ouro nos Xogos Paralímpicos de Tokyo 2020 súmase a un longo palmarés ao que a triatleta viguesa non para de sumar títulos. Este, sen dúbida, será un dos máis importantes. Se cadra por ser o primeiro doutros éxitos paralímpicos que chegarán. Quen sabe se será incluso mañá mesmo, na proba de atletismo dos 1.500m co tamén galego Celso Comesaña como deportista de apoio. A oportunidade está aí, non descartemos que á viguesa aínda lle queden folgos abondo para atacar con garantías a media distancia.
Acontece o que acontece na proba de atletismo, estes Xogos Paralímpicos e a cidade de Toquio serán algo que a nosa triatleta nunca esquecerá.
Foi un ciclo olímpico raro, no que unha pandemia irrumpiu para darlle a volta a todo, pero no que Susana non deixou de facer o que máis lle gusta: aportar o seu saber como médica e manterse no máis alto da elite do deporte mundial na súa disciplina. E iso que algunha vez ten declarado que o deporte axúdalle a desconectar. Bendita desconexión que ven tinxida de ouro e adornada do loureiro das campioas do olimpo!
¡La emoción de un país! Susana Rodríguez (@SuRGAcio) y Sara Loehr se cuelgan la medalla de oro en triatlón PTVI #ParalímpicosRTVE28A
https://t.co/RhDvCcdM4q pic.twitter.com/dkJdXS3mlE
— Teledeporte (@teledeporte) August 28, 2021
Na lista de logros de Susana Rodríguez Gacio estos son algúns dos máis salientables:
- Campioa na Copa do Mundo de paratriatlón PTVI (2021)
- Ouro no Europeo de paratriatlón PTVI (2019)
- Ouro no Mundial de paratriatlón PTVI (2018)
- Bronce no Europeo de Triatlón PT5 (2015 e 2016)
- Bronce no Mundial de Triatlón PT5 (2014 e 2015)
- Subcampioa do Mundo Triatlón TRI-6B (2013)
- Campioa do Mundo Triatlón (2012)
- Campioa do Mundo Duatlón (2011 e 2012)
Consulta os tempos da final de tríatlon PTVI que gañou Susana Rodríguez Gacio
CAMPEONAS PARALÍMPICAS🥇 No tengo palabras para expresar lo que siento… ❤️💪🏻 Gracias a todos los que me habéis apoyado en el camino 🌍 pic.twitter.com/8UK34NDVHR
— Susana Rguez. Gacio (@SuRGAcio) August 28, 2021
