Se algo define á Susana Rodríguez Gacio é a palabra superación. Algo que vai intrínseco á practica deportiva. A triatleta galega afrontará en poucos días os seus segundos Xogos Paralímpicos e aspira a facelo por partida dobre.
A viguesa Susana Rodríguez Gacio está clasificada nas modalidades triatlón e nos 1.500m de atletismo. Sen embargo, o feito de que a proba de media distancia atlética sexa xusto ao día seguinte da súa participación na modalidade de triatlón, xunto coa súa guía Sara Loehr, deixa no aire até o último momento a decisión da galega de se competirá ou non nos 1.500m co tamén galego Celso Comesaña como guía. Todo dependerá do desgaste do día anterior, que non será pouco.
Ver esta publicación en Instagram
Participar nunha edición olímpica ou paralímpica representa moito máis que cumplir o máis marabilloso soño que un deportista poida ter. Competir nus xogos supón acadar o máis alto rango persoal na que todos e cada un dos esforzos, barreiras, límites e superacións cobran un pleno sentido e significado, tal e como lembran desde a Federación Galega de Atletismo. Todo elo será o que seguramente sinta en Tokyo 2020 a atleta paralímpica Susana Rodríguez Gacio.
De Susana se veñen escribindo nas últimas datas innumerables artigos e entrevistas. Logo de ser nada menos que portada da Revista Time recentemente a súa historia foi coñecida non so en Galicia, onde xa sabiamos das súas xestas, senon moito máis aló. O certo é que quen seguimos a súa traxectoria hai tempo sabemos de que si hai algo que defina a viguesa é precisamente a palabra superación.
Susana Rodríguez Gacio estudou medicina
Esta doutora en medicina de 33 anos especialista en rehabilitación, xa estivo a piques de debutar nos Xogos Paralímpicos de Pekín en 2008. Por aquel entón sendo velocista contaba con mínima de participación, malia que un descarte obrigado polo número de prazas dipoñibles fixo que o seu soño tivera que pospoñerse. Ca decepción e o mazazo producido, deixaría de competir durante dous anos empezando a probar sorte ca súa outra gran afección: o triathlon.
Desde entón, ven compaxinando a práctica do noso deporte ca desta modalidade que a levaría a lograr tres mundiais e un quinto posto nos Xogos Paralímpicos de Río.
Cun nivel de visión inferior ao 10% Susana Rodríguez Gacio seguirá facendo historia ao tomar parte en dous deportes: atletismo (na proba dos 1.500 m.) e o Triathlon. Sen dúbida, Susana é unha muller sen límites.
