A paratriatleta galega Susana Rodríguez Gacio triunfa na Coruña na categoría PTVI Women da Copa do Mundo de Paratriatlón 2022. Competiu con ela como deportista de apoio (guía) Sara Loehr que fora tamén a súa compañeira nos Xogos Olímpicos de Toquio 2020.
📹 Chegada a meta da viguesa @SuRGAcio, campioa do mundo e paralímpica. @TRIATLONSP @FEGATRIPM 👏🏻👏🏻 pic.twitter.com/BsIn3nCcgb
— A Coruña Deportes (@coruna_deportes) June 19, 2022
Con 10 minutos sobre o tempo total de Susana Rodríguez (01:09:38) cruzaba a meta na Coruña a irlandesa Chloe Maccombe (01:19:31), terceira foi Judith Maccombe (01:23:26). Esta cita na cidade herculina foi a carreira internacional número 64 da galega Susana Rodríguez que competiu co dorsal nº 606.
Ready for World Para Cup A Coruña! Será mi carrera internacional 🇪🇸 64. Lista y preparada para la batalla hasta el final! 🏊♀️🚲🏃♀️💪🏻♥️ pic.twitter.com/jzcMKXDAmm
— Susana Rguez. Gacio (@SuRGAcio) June 19, 2022
Na cita participaron case un cento de paratriatletas de primeiro nivel mundial, representando a 20 países: Austria, Australia, Brasil, Canadá, Croacia, Francia, Gran Bretaña, Irlanda, Italia, Xapón, Lituania, México, Países Baixos, Portugal, Romanía, República Surafricana, Turquía, Emiratos Árabes Unidos, Estados Unidos e España. As competicións tiveron lugar hoxe domingo 19 de xuño, con percorridos de 750 metros de natación, 20 quilómetros de ciclismo e 5 quilómetros de carreira a pé. A entrega de premios está prevista ás 12 h.
Por España competiron deportistas como Manuel Afonso e José Cristóbal Ramos en PTWC; Susana Rodríguez Gacio, Eva María Cambero, Rafael Cabelo, Manuel Garnica e José Luis García en PTVI; Lionel Morais en PTS2; Kini Carrasco e Daniel Molina en PTS3; Marta Francés, Carmen González, Andrea Miguélez, Samuel Rodríguez, Mar Rodríguez, Bartomeu Caldentey e Nil Riudavets en PTS4; e Cristina Miranda, Antonio Francisco García, Cristian Pérez e Eduardo Oliva, en PTS5.
En canto aos resultados, ademais desde triunfo de Susana Rodríguez Gacio, cabe destacar ao malacitano José Cristóbal Ramos Jiménez, terceiro na categoría PTWC masculina; Lionel Morales, primeiro en PTS2 masculina; Daniel Molina, primeiro na PTS3 masculina; e Andrea Miguélez e Carmen González, á fronte da táboa na PTS4 feminina.
Máis información aquí.
👀 Continua a competición do Campionato do Mundo no Parrote. Os paratriatletas 🏊🏻🚴🏻♀️🏃🏻♂️ non paran malia as inclemencias meteorolóxicas. ☔
@TRIATLONSP @FEGATRIPM pic.twitter.com/BIkKgPvzB3— A Coruña Deportes (@coruna_deportes) June 19, 2022
O Náutico de Narón feminino vence o estatal de Tríatlon por Clubs na Coruña
O club galego Náutico de Narón impúxose na Primeira División feminina o Campionato de España de Tríatlon por Clubs, mentres que na Primeira División masculina a vitoria era para os navarros de Saltoki Trikideak.
Gran penúltima xornada da liga Nacional de Clubs e a liga Iberdrola que con todo deixa ao Cidade de Lugo Fluvial como primeiro clasificado en ambas as e o título asegurado para a xornada do domingo.
Náutico de Narón se lleva el Campeonato de España de #Triatlón por #Clubes en Primera División femenina por delante de Cidade de Lugo Fluvial y Diablillos de Rivas #SomosTriatlon @deportegob @ConcelloCoruna @FEGATRIPM @iberdrola pic.twitter.com/HiCgtdm7ho
— FETRI (@TRIATLONSP) June 18, 2022
Na Primeira División Feminina a suma de puntos das integrantes do Náutico de Narón permitíalles impoñerse e levar o título, pero sen sacar distancia suficiente a Cidade de Lugo para ameazar a súa primeira posición na liga Iberdrola. As lucenses, con moitas baixas, lograban a prata no campionato, mentres que o bronce era para Diablillos de Rivas.
Saltoki Trikideak se lleva el Campeonato de España de #Triatlón por #Clubes en Primera División masculina por delante de Diablillos de Rivas y Cidade de Lugo Fluvial #SomosTriatlon @deportegob @ConcelloCoruna @FEGATRIPM @GOfit_es pic.twitter.com/ZD569CoDl2
— FETRI (@TRIATLONSP) June 18, 2022
Na Primeira División Masculina o título nacional de 2022 de Tríatlon por Clubs levábanllo os navarros Saltoki Trikideak, por diante de Diablillos de Rivas e Cidade de Lugo Fluvial. Cunha situación moi similar á da Primeira División Feminina, o conxunto lucense ten asegurada tamén a liga a falta da xornada da Substitución Mixta.
En Segunda División Feminina o pódium era par Katoa Barcelona, por diante das aragonesas Stadium Casabranca Mapei e de Tríatlon Albacete Ingeteam. Conseguiron as catro primeiras posicións en Terceira, e por tanto os postos de ascenso para competir na Segunda División da liga Iberdrola o próximo ano os equipos Natacio Barcelona, Real Club Mediterráneo de Málaga, Tritones Rioxa de Logroño e Club Natación Metropole de Gran Canaria.
En Segunda División Masculina a primeira posición era para Katoa Barcelona, por diante dos madrileños Tri Infinity Móstoles, e dos galegos de Náutico de Narón. Conseguiron o ascenso desde Terceira División para competir o próximo ano en Segunda, os clubs Tríatlon Soriano, Flor de Triatló, O 208 Tríatlon Club e Bicis Pina Daven Cars Tritoledo.
🏊♀ Ás 16:00 h comezamos a primeira proba da tarde coa 3ª División Femenina do Cto. de España de Triatlón! @TRIATLONSP @FEGATRIPM pic.twitter.com/eYA1cXTRYi
— A Coruña Deportes (@coruna_deportes) June 18, 2022
A Substitución Mixta quedou para a última xornada
Ademais da competición da Copa do Mundo de paratriatlón, na que triunfou en terras coruñesas Susana Rodríguez Gacio, hoxe domingo 19 estaban previstos tamén na Coruña a disputa dos campionatos de España de Tríatlon por Substitucións Mixtas, con saídas sucesivas para as categorías Elite, Mixto, Talentos e Talentos Open, afrontando percorridos cada posta da substitución de 250 metros de natación, 5’4 quilómetros de ciclismo e 1,2 quilómetros de carreira a pé.
Está en marcha el Campeonato de #España de #Triatlón por Relevos Mixtos absoluto y de talentos #FETRIACoruña #SomosTriatlon @deportegob @ConcelloCoruna @FEGATRIPM @iberdrola @GOfit_es pic.twitter.com/RDjmZ28eVr
— FETRI (@TRIATLONSP) June 19, 2022
A entrega de premios final, coas cerimonias de premiación da liga Nacional de Clubs de Tríatlon e a liga Nacional de Clubs de Talentos de Tríatlon está prevista ás 14:30 h.
Máis información aquí.
Tamén hoxe domingo tivo lugar na mañá as Pho3nix Kids Triathlon Series by Javier Gómez Noya. Trátase dun circuíto de promoción destinado á cativada no que o propio triatleta ferrolán, Javi Gómez Noya, deu a saída.
📣 Saída da primeira carreira do Phoenix Kids by @Jgomeznoya, co propio triatleta presente na nosa cidade para dar o pistoletazo de saída. 🏊♂️🚴🏻♀️🏃🏻♂️ pic.twitter.com/C4GOpF8t1m
— A Coruña Deportes (@coruna_deportes) June 18, 2022