Dixémolo onte, e hoxe volvemos a insistir: Susana Rodríguez Gacio semella non ter límites nos éxitos deportivos que está a acadar nestes Xogos Paralímpicos en terras niponas. A galega, xunto co tamén galego Celso Comesaña como deportista de apoio, vén de clasificarse esta madrugada para disputar a final paralímpica na distancia dos 1.500m na categoría de discapacidade visual T11. Ela mesma dicía que está lista e preparada para “dar o que quede” na proba final. Oxalá a galega diga adeus a Toquio por todo o alto.
A la final del 1500m… con MMP, récord de España… y lista y preparada para dar lo que quede mañana. ❤️💪🏻 @CelsoComesana @Paralimpicos pic.twitter.com/1sRUsKu8ob
— Susana Rguez. Gacio (@SuRGAcio) August 29, 2021
A deportista viguesa podería sumar un novo metal ao seu ouro na modalidade de tríatlon. Susana e Celso fixéronse co segundo luga na súa quenda clasificatoria nos 1.500m T11 cun tempo de 4:51.38. Ese crono supón a mellor marca persoal da atleta galega e récord de España.
Susana Rodríguez suma un novo hito
Se co seu ouro fixo historia, coa súa participación esta madrugada na serie de clasificación para os 1.500m T11, Susana Rdz. Gacio volveuno facer. Xa é a primeira muller española en participar en dúas disciplinas diferentes nuns mesmos Xogos Paralímpicos.
A gran cita será a da final, prevista para o luns 30 de agosto de 2021 contra ás 2:38 horas. Susana Rodríguez xa nos ten demostrado que con ela transnoitar paga a pena.
Relación de marcas da serie clasificatoria de Susana Rodríguez e Celso Comesaña
