O Ourense Envialia segue planificando o seu proxecto de futuro e para el contará con Susana Campos. A futbolista vén de ser renovada polo club galego ata a tempada 2023/2024.
A galega é unha futbolista xove, de 20 anos, que debutou o pasado mes de decembro coa camiseta do Envialia.
Campos destaca pola súa calidade segundo o seu propio equipo. “Nós estamos plenamente seguros de que lle agarda un futuro prometedor por diante. Con só 20 anos, Susana experimentou un crecemento brutal esta tempada e, sen dúbida, a súa calidade, ganas de medrar, o seu compromiso, traballo e xuventude auguran moitas alegrías para ela e por conseguinte para nós”, declaran desde o Ourense Envialia.
O club galego confía e aposta durante tres anos máis pola súa xogadora, autora de xogadas de calidade como esta:
Y así…como quien no quiere la cosa…ella se lo guisa y ella se lo come…¡CALIDAD A RAUDALES! @susanacamposnu9 #ourensEnvialia #ubuntu #imosOlio #libresParaSer #morraOconto #hastaElUltimoAliento #fsf #futsal #futsalfem https://t.co/5az0qf7LHh
— Ourense Envialia FSF (@OUenvialiaFSF) April 6, 2021
