Na Superliga 2 os equipos galegos viaxan este fin de semana. Por parte de as coruñesas, o Autos Cancela Zalaeta viaxa a Leganés e o Arenal Emevé pon rumbo a Bilbao para enfrontarse ó Sestao.
O pavillón Emilia Pardo Bazán acolle ó Autos Cancela Zalaeta
O Autos Cancela Zalaeta viaxa ata a capital. Este fin de semana (o sábado 25 de xaneiro, ás 19.00 horas) enfróntase ao CVLeganescom na xornada 14 no pavillón Emilia Pardo Bazán.
As da cidade herculina chegan na sexta posición da Superliga 2 con 18 puntos. O seu rival está por debaixo delas, na oitava a tan só dous puntos por debaixo. Jorge Barreiro conta con dúas baixas importantes como dixo para As Nosas: “Ele Guzzi será baixa ata o final de tempada por motivos profesionales e Carla Figueroa que lesionouse no último partido y será baixa unhas semanas”. Por iso, viaxarán o equipo dúas centrais xuvenís como Iria e Sandra.
En canto ao rival, “elas reforzáronse no parón de Navidad. Aínda así a liga está moi igualada e estamos traballando para dar unha boa versión e traer algo positivo de Leganés sabendo que é unha cancha moi difícil. Nos últimos anos, os encontros entre ambos quedan por 4 vitorias das coruñesas ante unha única derrota, sendo esta na pista madrileña na tempada 2018-2019.
O Leganés ven de perder ante as lucenses, o Arenal Emevé, na anterior xornada. As de Lugo impuxéronse por un 3 a 0 na súa pista.
DATOS DE INTERESE
DÍA E HORA: 25 de xaneiro, ás 19.00 horas.
CAMPO: Pavillón Emilia Pardo Bazán – Leganés (Madrid)
ÁRBITROS: Héctor González.
INCIDENCIAS: Partido correspondente a xornada 14 da Superliga 2 de voleibol no que enfrontará ao CVLeganéscom contra o Autos Cancela Zalaeta no pavillón Emilia Pardo Bazán.
O Arenal Emevé viaxa ó País Vasco
Por parte das lucenses poñen rumbo o País Vasco, concretamente a Sestao, para enfrontarse nesta nova xornada ao CV Sestao. Chegan cunha vitoria máis ao gañarlle ao rival do Autos Cancela Zalaeta.
José Valle, o adestrador do Arenal Emevé pode contar con todas as súas xogadoras: “Este fin de semana viaxamos todo o equipo. Tiñamos a duda de Inma Lavado, que tiña un problema pequeno pero hoxe déronlle o alta médica”.
En canto ao rival, “a diferenza que temos na clasificación co rival é importante”. As de Bilbao están nos postos máis baixos da táboa. Son décimas con 13 puntos. Sepárannas das de Lugo 23 puntos, xa que son as líderes da Superliga 2.
O adestrador tamén quixo apuntar para As Nosas o seguinte sobre o seu plantel: “Ningún partido é cómodo para nós porque somos un equipo moi xovén e normalmente temos moitos problemas á hora de encontrar rendemento pero conseguiremos a vitoria para seguir nos postos nos que estamos”.
DATOS DE INTERESE
DÍA E HORA: 25 de xaneiro, ás 19.30 horas.
CAMPO: Polideportivo La Benedicta – Sestao (Bilbao).
ÁRBITROS: Aroa García.
INCIDENCIAS: Partido correspondente a xornada 14 da Superliga 2 de voleibol no que enfrontará ao CV Sestao contra o Arenal Emevé no polideportivo La Benedicta.
