A Superliga 2 de voleibol volve aos terreos de xogo no 2020. No fin de ano o Arenal Emevé quedou líder de inverno e o Autos Cancela Zalaeta na sexta posición da clasificación.
Este fin de semana xogarán o seu primeiro partido do novo ano na liga. O equipo da cidade amurallada recibe na casa ao Cvleganes.com. Por parte de as de A Coruña terán que viaxar a Asturias.
O Autos Cancela Zalaeta viaxa ata Asturias
O equipo da cidade herculina desplázase ata a comunidade veciña para xogar contra o RGC Covadonga o sábado (18 de xaneiro, ás 17.00 horas).
O Zalaeta veñen de perder no duelo galego ante o Emevé. Aínda así son sexta na táboa con 17 puntos. Á dous puntos están as súas rivais, as asturianas na oitava. Elas gañaron o seu último encontro ante o CV Torrelavega por 1 a 3.
O pasado 12 octubro, no Polideportivo Barrio das Flores, o equipo coruñés venceu 3 a 1 ó Covadonga. A pesar de gañar, costoulles alcanzala debido a que a pesar de ir 2-0 as de Asturias intentaron por todos os medios levarse a vitoria e non llo puxeron nada doado. Emma Ordoñez foi a mellor do partido por o Autos Cancela Zalaeta con 20 puntos.
DATOS DE INTERESE
DÍA E HORA: 18 de xaneiro, ás 17.00 horas.
CAMPO: Polideportivo Braulio García – Asturias.
ÁRBITROS: Bruno Correa de Souza.
INCIDENCIAS: Partido correspondente a xornada 13 da Superliga 2.
O pavillón municipal acolle o CVleganes.com
O sábado, o Arenal Emevé enfróntase o sábado (18 de xaneiro, ás 17.30 horas) na xornada 13 as madrileñas do CVleganes.com.
Antes de fin de ano, as de Lugo acabaron o ano da mellor maneira posible. Foron primeiras na Superliga 2. Conseguindo a vitoria no duelo galego ante o Autos Cancela Zalaeta por 1 set a 3. Suman 11 vitorias e tan só non puntuaron nun partido. O obxectivo cara esta volta é o seguinte: “Rematar a liga nos posotos que dan lugar a xogar o ascenso” dixo o seu adestrador José Valle para As Nosas.
En canto o rival, son sétimas cun punto menos as de A Coruña (Autos Cancela Zalaeta). A pesar da táboa, “son un grupo que leva moito tempo xogando xunto. Nútrense da canteira que sempre acada bos resultados nos campionatos nacionais”.
Na segunda xornada, as da cidade amurallada viaxaron ata Leganés para gañar por 1 a 3. Onde a xogadora máis destacada foi Irene Yáñez con 14 puntos.
DATOS DE INTERESE
DÍA E HORA: 18 de xaneiro, ás 17.30 horas.
CAMPO: Pavillón Municipal de Deportes de Lugo.
ÁRBITRO: José Real.
INCIDENCIAS: Partido correspondente a xornada 13 da Superliga 2.
