O segundo clasificado e o pechacancelas da Superliga 2 de voleibol visitan Galicia. O Arenal Emevé, agora mesmo líder na táboa xeral recibe ao CV Sayre Décimas sobre a súa pintura. A meta está clara: acadar a vantaxe necesaria sobre o segundo de cara a fase da ascenso. Non miran tan arriba as herculinas. O Zalaeta, unha semana máis, volve a xogar na casa. Desta vez, enfróntanse ao último clasificado, o Rivas Ciudad del Deporte.
Jorge Barrero (Zalaeta): “Gañar supoñería a permanencia de forma matemática”
Unha semana máis o Autos Cancela Zalaeta volve a xogar na casa. No Polideportivo do Barrio das Flores reciben este sábado (7 de marzo, ás 19.00 horas) ao pechacancelas da Superliga 2, o Rivas Ciudad del Deporte. As galegas pola súa contra están situadas na sexta posición da clasificación.
“Moi importante para nós. Gañar supoñería xa asegurarnos a permanencia de forma matemática. Afronta con máis tranquilidade os que nos quedan contra os equipos da riba”, comentaba Jorge Barrero, o técnico das herculinas para As Nosas.
As galegas veñen de vencer na xornada anterior nun encontro moi intenso contra o CV Torrelavega. Saben que esta xornada xogan contra o colista. “Melloraron moito o seu nivel ao largo da tempada. Son un equipo xovén, con bo nivel, e que lles costa ser regulares.
As coruñesas teñen clara a clave para gañar o encontro: “Impoñer un ritmo alto do xogo, e parar na medida posible a súa oposta, que é a xogadora máis importante desde o punto de vista ofensivo”, concluía o adestrador do Zalaeta.
MVP 18 XORNADA pic.twitter.com/Cc2APU3Wnm
— Club Voley Zalaeta (@CVZalaeta) March 4, 2020
Cabe destacar que na xornada anterior, unha das súas xogadoras Emma Ordoñez foi a MVP da xornada. A receptora fixo un total de 22 puntos no encontro ante o Torrelavega. As boas novas non quedan ahí posto que xunto a súa compañeira Noemí Sánchez estiveron presente no sete ideal.
DATOS DE INTERESE
DÍA E HORA: 7 de marzo, ás 19.00 horas.
CAMPO: Polideportivo do Barrio das Flores – A Coruña.
ÁRBITROS: Carlos Alberto Cordeiro Fervenza.
INCIDENCIAS: Partido correspondente a xornada 19 da Superliga 2 de voleibol feminino que se disputará no Polideportivo do Barrio das Flores entre o Autos Cancela Zalaeta e o Rivas Ciudad del Deporte.
José Valle (Emevé): “Temos a espiña cravada do partido de ida”
Partido decisivo para o Arenal Emevé. As lucenses teñen unha cita moi importante este fin de semana ante o segundo clasificado, o CV Sayre Décimas o sábado (7 de marzo, ás 20.00 horas). Agora mesmo, as do Emevé son primeiras con 51 puntos.
“O máis complexo que nos quedan para rematar a liga regular. Son actualmente as segundas clasificadas que tan só nos separan poucos puntos. De feito é o único equipo da liga que nos gañou nesta tempada, alí na súa casa por un 3 a 0. O seu plantel está feito para ascender a Superliga 1″, dicía o adestrador do Emevé, José Valle, sobre o Sayre Décimas para As Nosas.
O nivel de exixencia para a cita esta claro pero sobre todo a rivalidade. “O equipo está moi motivado e temos a todas as xogadoras dispoñibles tamén temos a espiña cravada da derrota que sufrimos ali”, concluía José Valle.
DATOS DE INTERESE
DÍA E HORA: 7 de marzo, ás 20.00 horas.
CAMPO: Pavillón Municipal dos Deportes – Lugo.
ÁRBITROS: Diego Rodríguez del Pozo.
INCIDENCIAS: Partido correspondente a xornada 19 da Superliga 2 de voleibol feminino que se disputará no Pavillón Municipal dos Deportes entre o Arenal Emevé e o CV Sayre Décimas.
