Confirmado. A Superliga 2 de voleibol feminino queda suspendida así o comunicaba a Asamblea General da Real Federación Española de Voleibol. Isto dase pola situación provocada a causa da crise sanitaria polo coronavirus Covid19.
As galegas que xogan nesta competición, as xogadoras do Autos Cancela Zalaeta e o Arenal Emevé foron dous dos equipos que firmaron para que a competición dérase por suspendida.
Segundo informa a Federación, o 92% dos clubs da segunda máxima competicións nacional deste deporte tanto feminina como masculina apoiaron a proposta do presidente da RFEVB. Tendo tan só un voto en contra e tres abstencións.
A Asamblea General adoptou o acordo de “autorizar a Comisión Ejecutiva Permanente da RFEVB a negociar cos clubs das Superligas seguindo os criterios marcados pola Asamblea General e incluso diferentes criterios si fora necesario para chegar a acordos de desenvolvemento das competicións das Superligas, en cuestións internas de funcionamento e promoción de ambas competicións”.
Os equipos da Superliga 2 necesitan coñecer o futuro inmediato da liga para resolver contratos cas súas deportistas e os seus deportistas e o corpo técnico —se se dera a razón— e para adquirir o posicionamento adecuado a corto e medio prazo.
Hai deportistas e técnicos, especialmente os que proceden doutros países, que se atopan nunha situación incómoda e tamén teñen urxente necesidade de definir cal vai a ser a súa situación nun futuro inmediato.
Cun apoio do 92% dos conxuntos á suspensión e á espera de ascensos e descensos a RFEVB comunica: “Dánse por finalizadas as competicións de Superliga 2 masculina e Superliga 2 feminina, con efectos a partir do día 18 de marzo de 2020, posponiendo a definición das cuestións técnicas e colaterais que poidan xurdir como consecuencias desta decisión (ascensos, descensos, clasificación, otros efectos posibles, etc.) para que sean resoltas polo órgano competente da REFVM no momento adecuado”.
Directiva Arenal Emevé: “Solicitaramos ser organizadores dos play off da Superliga 2″
Ademais de secundar a decisión tomada polo presidente da RFEVB, o Arenal Emevé pedira ser a sede para disputar a fase de ascenso a Liga Iberdrola. “Tiñamos moitas posibilidades”, comentaba a directiva.
“Isto aféctanos moito posto que se trunca o proyecto. O noso obxectivo primordial era o ascenso a máxima categoría”, engadían. Ademais o tema do patrocinio, tócalles moi de cerca. “É local, e eles buscaban levar ao deporte feminino a elite. Agora mesmo as súas tendas están pechadas”, lamentan desde a directiva do club lucense de Superliga 2.
O traballo deportivo segue, tal e como confirman desde a entidade: “As xogadoras terminaron os seus contratos, pero ímoslle pagar a parte correspondente. Elas seguen a traballar desde os seus fogares para manter a forma e cos adestramentos marcados polo noso preparador físico, Javier”.
As posibilidades, logo da suspensión da competición amosan diferentes escenarios, non todos favorables ao Arenal Emevé. “Nós cruzamos os dedos polo ascenso e descenso. Firmamos a proposta porque nos parece o máis correcto, pero tamén deixamos claro que se poidera xogar a fase de ascenso. Hai catro escenarios posibles dos cales tres nos benefician”, din desde o club.
En concreto os escenarios serían, segundo explican desde a directiva lucense: “Aplicar os resultados da primeira volta, o cal somos as campioas de inverno. Manter a clasificación como estaba antes da situación do COVID-19 que tamén nos beneficia. O terceiro sería que non se xoguen ascensos e descensos que non nos ben nada ben. E por último, o ascenso directo do primeiro e o segundo. O que pasa aquí que a Liga Iberdrola pasaría a ter 16 equipos e claro, sería un impacto económico maior posto que duraría máis tempo”.
Directiva Autos Cancela Zalaeta: “Imos a manter a pequena aportación que se lle daba aos adestradores”
As herculinas estaban dacordo coas medidas que tomou a Federación Española. A situación aféctalles posto que tocará aspectos como o patrocinio. Elas só teñen un patrocinador directo, a Fundación de Deporte Galego, e desde a directiva comentan haberá que esperar pola tramitación de pagos posto que descoñecen que sucederá.
O mesmo ocorre coas axudas recibidas polos concellos. No económico aféctalles directamente. Na xornada que se iba a disputar antes de decretar estado de alarma, o Zalaeta viaxaba a Canarias con todos os gastos abonados, os cales perderon.
“Isto ten dúas vertentes, unha boa e unha mala. A boa é que haberá un aforro en transporte pero a mala é que as cuotas recibidas paralizaranse”, engadían desde a directiva. No ámbito deportivo, as xogadoras do CV Zalaeta siguen adestrando desde os seus fogares.
