A pívot sudafricana Sune Swart cumprirá a súa segunda campaña no BAXI Ferrol, logo de chegar a un acordo co club para seguir no conxunto departamental. O corpo técnico do cadro ferrolano valorou o gran traballo desenvolvido pola xogadora na pasada tempada, na que xogou case vinte minutos por partido, para ofrecerlle a súa continuidade.
A xogadora destaca sobre a súa renovación co BAXI Ferrol que “decidín seguir xogando en Ferrol porque gozo traballando coa xente deste club. Creo que temos o equipo adecuado para gañar a liga mentres nos divertimos moito no traballo diario”.
Sune Swart, terceira xogadora confirmada polo Baxi Ferrol
En canto ao que espera aportar na nova campaña, Sune Swart comenta que “o que máis me gustaría aportar ao equipo é unha enerxía positiva e alentadora dentro e fóra da cancha” Engade que espera que todas dean o 100% todos os días e traballen duro para alcanzar a súa meta como equipo. ·Gustaríame ser unha compañeira que poida axudar a que o proceso sexa divertido e agradable”, finaliza a sudafricana.
Sune Swart convértese na terceira xogadora confirmada polo BAXI Ferrol para a próxima tempada, logo da renovación da canaria Patri Cabrera e do fichaje da valenciana Irene Garí.
