O torneo de verán creado polos clubs Bera Bera, Aula Valladolid e Atlético Guardés, o denominado Summer BAG Experience, terá continuidade durante as tres próximas pretemporadas: 2022, 2023 e 2024.
Valladolid acolleu esta fin de semana a terceira edición deste torneo, de modo que o Summer BAG Experience pechou ciclo. Os tres responsables dos clubs organizadores presentes en Huerta del Rey fixeron unha valoración moi positiva da iniciativa que se puxo en marcha na Guarda en 2018.
Ao ano seguinte Donostia-San Sebastián acolleu o torneo, en 2020 a pandemia non deu as opcións adecuadas para organizar o Summer BAG Experience, de modo que Huerta del Rey pechou en 2021 o ciclo do, posiblemente, mellor torneo de verán de España, coa vitoria do Caja Rural Aula Valladolid.
Por tanto, Cayetano Cifuentes, Tati Garmendia e Jesús López acordaron abrir un novo trienio que comezará na Guarda en 2022, Donostia collerá a testemuña en 2023 e Valladolid, en 2024. Os tres responsables atenden tamén, desta maneira, aos tres adestradores que reclaman partidos esixentes neste mes de agosto.
De fronte ao novo ciclo, os tres responsables acordaron, na medida do posible, seguir dando pasos na súa mellora, tratado de que o torneo adquira un rango internacional.
Histórico do ciclo Summer BAG Experience 2018-2021:
2018: Organizador Mecalia Atlético Guardés
- Campión: SUPER AMARA Bera Bera
- Subcampión: Mecalia Atlético Guardés
- Terceiro clasificado: Aula Alimentos de Valladolid Cuarto clasificado: Helvetia Alcobendas
2019: Organizador SUPER AMARA Bera Bera
- Campión: SUPER AMARA Bera Bera
- Subcampión: Liberbank Gijón
- Terceiro clasificado: Aula Alimentos de Valladolid Cuarto clasificado: Mecalia Atlético Guardés
2021: Organizador Caja Rural Aula Valladolid
- Campión: Caja Rural Aula Valladolid
- Subcampión: SUPER AMARA Bera Bera
- Terceiro clasificado: Mecalia Atlético Guardés Cuarto clasificado: Unicaja Banco Gijón
