O Concello da Estrada acolleu esta mañá a presentación do cartel da 27ª Subida A Estrada. Nela, o alcalde, José López Campos, xunto a representantes de Escudería Estradense desvelaron o cartel dunha das probas automobilísticas máis senlleiras da comarca. Esta competición de motor vaise levar a cabo na fin de semana do 5 e o 6 de agosto.
Estamos ante unha proba puntuable para o Campionato Galego de Montaña da Federación Galega de Automobilismo. A Subida A Estrada dispútase durante dúas xornadas, neste ano os días 5 e 6 de agosto. No Campionato Galego de Montaña xa se disputou a proba da 23ª Subida a Escusa – Poio, a principios de xuño, e vaise celebrará tamén a 10ª Pontenova na primeira fin de semana de xullo. Logo xa será a quenda da 27ª Subida A Estrada.
Xa están dispoñibles no Flickr da FGA as fotografías da Subida a Escusa, primeira cita puntuable para o Campionato Galego. Se algún participante non ve a súa foto pode enviar unha mensaxe privada e subirase.https://t.co/B2EITopVuo pic.twitter.com/RwpPBcGgiU
— Federación Galega de Automobilismo (@fedgalegaauto) June 12, 2023
Tratase da 27ª edición destra proba automobilística. Dentro desta cita se inclúe o IV Trofeo de vehículos históricos. En total, segundo se recolle na web da carreira, se repartirán 7.320 euros en premios.
A Subida A Estrada, a segunda proba máis antigua de Galicia
Na revista da proba o alcalde da Estrada, José López Campos, lembra que a Subida A Estrada é a segunda proba máis antigua de Galicia se miramos o número de edicións celebradas. Así como que o pasado ano festexaba o cincuenta aniversario da súa creación.
O presidente da Federación Galega de Automobilismo, Antonio Rodríguez Troitiño, explica na revista da proba que “falar da Subida á Estrada é facelo dunha proba con historia e tradición durante máis de medio século. Una cita con nomes en ouro no seu palmarés e que falan por si mesmos. Cristóbal Serantes; o noso becado pola FGA este ano no Campionato Galego de Rallyes, Alexis Vieitez; Víctor Abraham; Pancho Egozkue; Luis Quinzán; Alberto Camba ou o gañador da tempada pasada Jacobo Senín, saben o que é gañar na Estrada e por suposto están considerados grandes especialistas nas rampas non soamente galegas, tamén a nivel nacional”.
Na web da Escudería Estradense, na revista da competición, pódense consultar os accesos aos diferentes tramos desta edición do 5 e 6 de agosto de 2023.
Desde a Escudería Estradense convídase ao “público en xeral a desfrutar desta proba deportiva, e mandámosvos o agradecemento de antemán polo voso comportamento e compromiso de respetar todalas medidas de seguridade, así como aos comisarios da proba”.
Catro carreiras sobre un tramo de 5,4 km
No programa, consultable tamén na revista da proba, constan os horarios e ubicacións das diferentes accións. O parque de custodia estará na Praza da Constitución e ábrese o 5/6/23 ás 9:30 horas. As verificacións administrativas están previstas de 8:00 a 11:30 e as técnicas de 8:30 a 12:00 horas.
Contra as 13:30 horas está previsto que se publique a lista de vehículos autorizados a tomar a saída. Xa ás 15:00, na PO 213 As Covas (Paradela) – Codeso (Aguións), se presentatarán as e os pilotos no parque para a pre-saída.
A primeira manga de adestramentos está fixada para as 15:30 horas. E logo se realizarán a primeira e segunda carreiras. O tramo ten unha distancia de 5,4 km.
Xa o domingo 6/8/23 as e os pilotos se presentará no Parque Pechado na praza da Constitución desde as 8:00 horas. A segunda manga de adestramentos, na PO 213 As Covas – Codeso, será ás 9:00 horas. Logo diso se realizarán as carreiras terceira e cuarta.
Rematada a competición publicarase a clasificación oficial, na praza da Constitución, onde tamén terá lugar a cerimonia de podio.
