Aleksandra Stanacev deixa de militar nas filas do Durán Maquinaria Ensino. A serbia xa non competirá no club lucense a partir da próxima tempada 2021/2022.
Con respecto á súa traxectoria, a base chegou procedente do Quesos El Pastor ao equipo galego na tempada 2019/2020. En total, Stanacev disputou 56 partidos coa camiseta do Ensino, estando 1.762 minutos en pista e anotando 492 puntos nas dúas últimas tempadas.
En concreto, neste curso a xogadora tivo unha media dun 82,4% de acerto desde o tiro libre, cunha valoración media de 14,6 puntos por partido en liga regular. Stanacev foi ademais a máxima asistente da Liga Feminina Endesa nesta tempada, cunha media de 4,9 por encontro e un total de 147 ao longo da competición.
A deportista serbia logrou un total de 14 asistencias, a segunda mellor marca da historia da máxima categoría, no partido ante o Araski, do 4 de decembro na 14ª xornada, na que o resultado final foi un 70-67 a favor das galegas.
Ver esta publicación en Instagram
