- A Cidade Deportiva de Mareo recibe o vindeiro sábado ás 12:00 horas ao Valladares nun duelo directo entre dous equipos moi parexos. O conxunto vigués tan só saca dous puntos ao Sporting B e será unha boa proba de lume para ambos conxuntos.
Gabi Couñago, adestrador das galegas, fala da “oportunidade de volver engancharnos ou polo menos de non deixar escapar aos rivais de arriba despois de perder pola mínima ante o Dépor a semana pasada”. Sacar un bo resultado en Asturias sería un dobre premio, recuperar sensacións nun campo moi complexo e gañar a un rival directo.
O rival das galegas afrontará o duelo coa moral chea tras a súa vitoria a domicilio fronte o Victoria FC: “Se non somos capaces de gañar en Gijón, os equipos que están arriba pódense escapar e o propio Sporting pódenos dar caza. Viaxamos con varias baixas importantes. Elas son un equipo que veñen en boa dinámica e moi fortes tras gañar en Santiago. Están a ter unha traxectoria de menos a máis na Liga e teñen moito talento”, comentou Gabi.
Gabi Couñago, adestrador do Valladares: “Elas son un equipo que veñen en boa dinámica e moi fortes tras gañar en Santiago. Están a ter unha traxectoria de menos a máis na Liga e teñen moito talento”.
Xogar en Mareo que bonito é
Couñago destacou a dificultade de xogar no campo astur pero á súa vez destacou o gran reto e ilusión que supón xogar en campos de tanto nivel: “Xogar en Mareo é un reto bonito. Nós temos que ter esa ambición por gañar este tipo de partidos que sempre apetece gañar. Estamos en boa liña, a pesar da derrota do outro día. O equipo está a subir moito o nivel. Queremos facer unha gran segunda volta e meternos entre os 4 e 5 primeiros”.
Gabi Couñago, adestrador do Valladares: “Xogar en Mareo é un reto bonito. Nós temos que ter esa ambición por gañar este tipo de partidos que sempre apetece gañar. Estamos en boa liña, a pesar da derrota do outro día”.
As viguesas afrontan o partido coas baixas de Nerea por unhas pequenas molestias no xemelgo. Laudit tampouco poderá ser da partida, xa que é baixa por motivos laborais. A dúbida está en Ele, que atravesa un proceso gripal e será dúbida ata o mesmo día do encontro.
