A utilidade dos rollos de papel hixiénico non teñen final nestes tempos de confinamento por mor do COVID-19. Un dos usos máis estendidos é usalo como balón. As futbolistas do Sporting Cambre usárono para disputar un peculiar encontro.
Imaxinades un partido de fútbol virtual con pases que van de casa a casa, da habitación ao xardín e de alí ao salón? A o que disputaron as xogadoras do club cambrés non lle falta de nada, estratexia, saques de banda, faltas, voleas, controis, remates de cabeza, tiros a balón parado, xogadoras no banco, adestrador desesperado, lesións, e claro… goles.
O vídeo, colgado no páxina de Facebook do club. Empeza cunha frase premonitoria do que o público dixital poderá ver na peza audiovisual: “Hai a quen non para nin unha cuarentena”.
As xogadas sucédense e a incertidume polo resultado tamén. Non imos ser nós as que desvelemos que equipo gaña o encontro. Para iso hai que ver a transmisión.
A música elixida como fondo para esta montaxe en vídeo é o tema “Del estadio al cielo” de Morat.
Divertidas tomas falsas no vídeo do Sp. Cambre
Por certo, se a disputa deportiva que propoñen as cambresas é interesante, a nosa recomendación desde As Nosas é que non deixedes de ver as tomas falsas desta produción audiovisual das rapazas deste club da Comarca das Mariñas coruñesas.
