Se cadra é o conto da leiteira pero o certo é, que a tal hora, podemos soñar espertas con que tres clubs galegos estén, ao final de tempada, loitando polo título do fútbol sala feminino estatal.
Se ben tería que pasar algo realmente raro para que Futsi Atlético Navalcarnero (62 puntos) e Pescados Rubén Burela (55 puntos) perderan o seu sitio nos postos de disputa do play-off, a tal hora, nada está decidido sobre os lugares terceiro e cuarto da táboa da Primeira División do FSF da RFEF que tamén dan paso a esa loita polo título de Liga 2021-22.
Poio Pescamar e FSF Móstoles ocupan agora eses lugares, ambos os dous con 39 puntos. O ENCE Marín Futsal que é noveno, so está a catro puntos de distancia deles (35 puntos). E o Ourense Envialia está a tres (36 puntos). Todo parece posible así que, por que non soñar con que tres dos catro equipos que aspiren finalmente ao entorchado sexan galegos?
Quedan sete xornadas e todo pode pasar na Primeira División con eses postos en xogo. Nesta 23ª a sorte foi dispar para os equipos galegos. Gañaron os dous que xogaban como locais: Pescados Rubén Burela (7-2 ao Arriva AD Alcorcón FSF), e o ENCE Marín Futsal (7-3 ao FSF Móstoles). E perderon os dous que xogaban a domicilio Ourense Envialia (8-3 ante o CD Leganés) e Poio Pescamar (3-0 co Futsi Atlético Navalcarnero).
Entre as curiosidades, cabe comentar que foi unha xornada na que o xogo de cinco dos rivais permitiu que dúas porteiras de equipos galegos, Silvia Aguete do ENCE Marín Futsal e Jozi Oliveira, do Pescados Rubén Burela, anotasen goles lanzando o balón á meta rival desde a cancha propia.
Podes ler as catro crónicas dos clubs galegos na nosa web, deixamos por aquí as ligazóns.
Pese a plantexar un partido moi serio, o Poio Pescamar cae ante o Atlético Navalcarnero
As baixas pasan factura ao Ourense Envialia na súa visita ao CD Leganés
Goleada das Guerreiras Laranxas á AD Arriva Alcorcón FSF (7-2)
