Soledad Castro Soliño, do Comesaña Sporting Club, proclamouse este sábado, 24 de abril, campioa galega absoluta dos 10.000 m. O campionato, disputado nas pistas de Noia de San Lázaro, serviu para inaugurar a primeira edición do Memorial Alejandro Gómez.
Cun tempo de 41:39.42, Soledad Castro foi a mellor atleta da proba. Seguiuna Elena Ledo, do ADAS Proinor, e Nuria Pastor, do Lugo Running, no podio dos 10.000 m.
Segundo informa a Federación Galega de Atletismo, a edición masculina o gañador foi Esteban Iglesia, do Lucus Caixa Rural Galega, seguido por Simón González e Anxo Castro.
Do mesmo xeito tamén se disputou o Campionato de Galicia dos 5.000 metros na categoría Sub18 e Sub20 correspondendo o triunfo a Anxela Seoane, do Ourense Atletismo, cun crono de 19:40.10, na primeira categoría e a Cinthia Costas, do C.A.Santiago, con 21:36.95 no seguinte nivel.
Na proba masculina, o vencedor foi Antón Martínez, da Atlética Lucense, quedando segundo Iker González.
Podes consultar nesta ligazón o listado completo de resultados.
Durante o transcurso do campionato faríase entrega dunha placa aos familiares de Hipólito Rey, destacada e importante figura do atletismo local no concello de Noia que falecería recentemente, así como a entrega dun ramo de flores Paula Hernández, viúva de Alejandro Gómez, que quixo estar presente na primeira edición do memorial que leva o seu nome.
A contorna do espazo que acolleu a proba trasladaba tranquilidade e paz como se pode ver nestas imaxes da Federación Galega de Atletismo.
