A corredora galega do Club Valencia Atletismo, Solange Pereira, impúxose na final A dos nos 1.500 m femininos do Gran Premio Internacional Ciudad de Valencia 2021 cun tempo de 4:21:78. A deportista foise das súas competidoras e afrontou a metade da proba correndo en solitario cara a liña de meta.
O Velódromo Lluís Puig de Valencia acolleu unha das poucas probas a nivel estatal que se van celebrar nesta etapa invernal tal e como está evolucionando a situación sanitaria en España: o Gran Premio Internacional de Pista Cubierta Ciudad de Valencia.
Alí a corredora galega Solange Andreia Pereira Da Ponte conseguía o primeiro posto na proba de 1.500 metros cun tempo de 4:21.78. Mireya Arnedillo Lahoz foi a segunda en cruzar a liña de meta cunha marca de 4:23:78, dous segundos máis que a atleta galega. A terceira foi Irene Bonafonte Pardas con 4:23.90.
O evento contou coa presenza de 32 atletas campións de España e puídose seguir a través da canle de YouTube da Federación de Atletismo da Comunidad Valenciana.
A cita desarrollouse sen público e baixo estrictras medidas de seguridade para evitar a transmisión da COVID-19. Por exemplo, non tiñan lugar máis de dúas competicións a un tempo, o quencemento facíase fóra das instalacións e o uso de máscara era obrigatoria salvo no momento de competir.
A proba atlética do Gran Premio Internacional de Pista Cubierta Ciudad de Valencia serviu para testar o estado de forma de moitos atletas e equipos de cara ás vindeiras competicións de clubs.
