Sol Pedrera e Clara Fernández, chaman pola afección do Cidade de As Burgas

Sol Pedrera e Clara Fernández están chamando pola afección do Cidade de As Burgas GLS para que acudan mañá sábado ao Paco Paz a apoioar ao equipo no primeiro partido do play-off de ascenso á Primeira División do Fútbol Sala Feminino da RFEF. E fano a través das redes sociais do club.

As dúas futbolistas do equipo ourensán son as protagonistas dunha campaña en redes sociais que o club está a publicar coa fin de convocar no pazo da Cidade de As Burgas GLS ao maior número de seareiros e seareiras posible. Á cita é as 19:30 horas e o rival do conxunto galego será o estremeño do UD La Cruz Villanovense.

“Afección temos unha mensaxe para vós. Precisamos que celebredes os goles con nós no primeiro partido do play-off de ascenso a Primeira. Esperámosvós!”, din as deportistas que adestra Manolo Codeso.

Ver esta publicación en Instagram

Una publicación compartida de Cidade de As Burgas FS (@cidadeasburgas)

Noutra das pezas preguntan á cámara “Tendes ganas de play-off? Lembrade: sábado – 19:30 – Paco Paz – Todos de verde!”. Tal e como explican na conta de Instagram do club “este sábado é un partido vital por lo que levamos loitando todo o ano, ven vivilo con nós!”, apremian as verdibrancas.