O Durán Maquinaria Ensino ten unha nova cara para o seu plantel da 2021/2022. Sofía Carolina Gomes da Silva chega a Lugo para competir a vindeira tempada coa camiseta do club galego.
A pivote, internacional con Portugal, ten ampla experiencia na máxima categoría española, a LF Endesa, división na que disputou ata 138 partidos. Na traxectoria de Sofía da Silva atópanse equipos españois como o Cadí La Seu, o Zamora, o SPAR Girona e o Campus Promete. Ao primiero deles chegou procedente do Tallahasse Eagles, onde xogaba na NCAA.
O seu último destino antes do Ensino foi o Movistar Estudiantes, co que estivo competindo ao longo da xa rematada campaña 2020/2021. Neste curso obtivo unha valoración total de 108 puntos, disputando unha media de case 18 minutos por partido na liga regular, 29:23 na Copa da Raíña e 16:53 no play off.
Nestas tres competicións, Sofía da Silva anotou máis de dous centos puntos, xogando en máis de trinta partidos e destacando desde o tiro libre, cunha media de acerto do 60,3%.
Ademais a nova xogadora do equipo lucense, de 1,90 metros e natural de Coimbra, ten experiencia a nivel europeo. Sofía da Silva competiu co Galatasaray na Eurocup Women, sendo semifinalista no 2017. Tamén participou na competición continental cando xogaba en Portugal e co SPAR Girona.
A presentación do Ensino
Como vén sendo habitual nesta pretempada, o club galego tirou du xogo en redes sociais para anunciar a fichaxe. A través dunha serie de pistas, seguindo a dinámica de El concurso del año, a entidade deixou á súa afección averiguar a identidade da nova xogadora.
️El juego en el que podéis participar tod@s para descubrir quien es el cuarto fichaje de cara a la próxima temporada es… “EL CONCURSO DEL AÑO”
Pero en vez de acertar la edad, las pistas serán sobre la nueva incorporación.
Preparad@s???? pic.twitter.com/BD14moqdBm— Ensino Lugo (@EnsinoLugoCB) May 11, 2021
Y ahora con todos vosotros @sofcarol14
Bienvenida
Benvida
Bem-vindaSOFÍA da Silva pic.twitter.com/Aw809T6Bte
— Ensino Lugo (@EnsinoLugoCB) May 11, 2021
